( شيخ حەسەنی گلە زەردە )
سوپاسی کاک ئيرەج موڕادیدەکەم کە بۆی ناردووم
بەشی کۆتايی داستانی سوڵتان جومجومە کە ( شيخ حەسەنی گلەزەردە ) بەشيوەی شيعر نووسيويەتی يەوە لە ساڵی 1150 هيجری بەرانبەر ساڵی 1736 زاينی
دیارە ئەم داستانە لە ئەدەبی فارسی و کوردی دا باوە، ساڵانێکی زۆر لە مەدرەسە دینییەکاندا فەقیکان، بۆ فێربوونی فارسی لەگەڵ داستانی تردا خوێندویانە، لەوانە: ئەی شودەی حەزرەتی شێخ مەعروفی نۆدێی، سەنگ تراش و نان و ماست و ئیسماعیلنامە و زۆری دیکە، کە دواتر لە ئەدەبی هەورامی دا بە داستان و بە شێوەزاری گۆرانی هۆنراونەتەوە.
چیرۆکەکە لە بارەی کەلەسەرێکەوەیە، کە حەزرەتی عیسا سەلامی خودای لەسەر بێت، بە شێوەی موعجیزە زیندووی دەکاتەوە و قسەی لەگەڵ دەکات، ئەویش بەسەرهاتی ژیانی خۆیی بۆ دەگێڕێتەوە. پاشان لە کۆتایی دا دەچێتە سەر دینی حەزرەتی مەسیح و ئیمان دەهێنێت.
ئەم پارچەیەی کە لەبەردەست دایە، بەشی کۆتایی چیرۆکەکەیە، باس لە ئیمانهێنانی سوڵتانە تازە ڕۆح بەبەراکراوەکە دەکات:
وتی: کەواتە خودا لوتف و سۆزی لەگەڵم کرد و پێغەمبەریکی وەک تۆی نارد بۆم، حەزرەتی عیسای کوڕی مریەم لە هۆش خۆی چوو و هاتەوە هۆش خۆی، ڕووە و خودا فەرمووی: ئەی خودای بێنیاز. (دیارە لێرەدا بەیتی نوقسانە) حەزرەتی عیسا دوعای کرد تا ڕۆح بچیتەوە بەبەری ئەو ئیسکوپروسکەدا و (وەک زرۆڤان زیندووبێتەوە بە گۆشت و خوێنەوە)، چل ساڵی تر ژیا و دواتریش بەهەشت بوو بە نسیبی. حەزرەتی عیسا کەوتە سەرزەوی و سوژدەی بر و فەرمووی: ئەی خودای جیهانیان باوەڕم هێنا. جومجومە ڕۆح بەبەری دا کرایەوە و ئیمانی هینا بە دینی حەزرەتی عیسا، شەو و ڕۆژ لە نوێژ و ڕووژوودا، بوو، خواردنی کەم دەخوارد و تاعەتی زۆر بوو، ئەم جارەیان ڕیگەی نەزانی نەگرتە بەر و بە ئیمانەوە وەفاتی کرد، دەی سا خوایە لەبەر خاتری حەزرەتی مەسیح، گوناه و پیسی و ناشرینیمان لێ دوور بخەوە، دروود و سەلام لە دیاری حەزرەتی محەمەد و ئال و یارانی. نامەکە تەواو بوو کە بۆ دۆست نووسرا.
1150 کۆچی. [1]
=KTML_Bold=ئەم بابەتە بە ڕێنووسی سەرچاوەی ئاماژەپێکراو نووسراوە کوردیپێدیا بەهیچ شێوازێک دەستکاری نەکردووە=KTML_End=
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 90 keer bekeken
Schrijf uw commentaar over dit item!