بە هیچ ئاوێ ناخوسێتەوە
کورد وتویەتی: مردوو و زیندوو بە ئاوێ دەشورێن، مردوو لەوەی چاکتر ناشورێ، لە حەوت ئاوی داوە قاچی تەڕنەبووە، بە هیچ ئاوێ ناشورێتەوە، مرۆڤ خۆیی و جلوبەرگی و ناوماڵی بە ئاو دەشوات، هەندێکجار مرۆڤەکە خۆی زۆر دژوون و پڕ قڕێژە، یان جلوبەرگەکەی چڵکی حەوت ساڵی پێوەیە، یاخود حەوشە و بان و ژووری ماڵەکەی خۆڵ و خاشاکێکی زۆری تێدایە، هەموو ئەوانە پێویستی بە شوشتنی تایبەت هەیە، دەبێت بۆ ماوەیەک بخرێنە ناو ئاوەوە تاوەکوو چڵکەکەی نەرم بێتەوە بەوە دەوترێت: خوسان، خوساندن، ئەوە بووە بە ئیدیۆم و بەکەسێکی زۆر پیسی خاوەن چەند ڕەوشتێکی وەکوو: حەرامخۆری و بکوژی و ستەمکاری و داوێن پیسی و حەرامزادەیی و چەتەیی و دزیەتی، لەبەر پیسیەکەی لە ڕۆژهەڵاتی کوردستان لە شاری #سنە# دەوترێت: بە هیچ ئاوێ ناخوسێتەوە. [1]
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 137 keer bekeken
Schrijf uw commentaar over dit item!