ئەڎاوتاتەیی چاپکریا
بەرهەمی تازە چاپ کریاو (ئەڎاوتاتەیی)، یۊ چا زنجیرە بەرهەمە بە پێزاو بواروو پەرۋەرڎەیەنە سەرو شېۋاری دەردواردە و بەسوودو پەروەرنای زاڕۆڵا، بە قەڵەموو بەڕېز (ئیبراهیم ئەسڵانی) پېسەو زەنجیرێوی سەرو بەشەکاو پەرۋەرڎەی نویسیاینێ و بە زوانی فارسی کەوتێنێ وەرو دەسو ئەڎا و تاتەکا.
ئی بەرهەمە بە قەڵەموو خاتوو (ئاوێنە ئەحمەدی) بە زوانی هەورامی هۆرگېڵیانەوە و وزیان وەرو سەرنجەو هۆگراو ئا بواری.
ئی بەرهەمە بە وەرچەمگېرتەی تاییبەتتیە فەرهەنگیەکاو خېزانە ئێرانیەکا ئاماڎە کریان و بە میتودېوی زانستی و ئەوەفامانە مجیانەرە و حازر کریان. متاوۆ پەی ترۆقدای بە گەشەو شېۋاری زانستی و سەردەمیانەو پەروەرڎەو زاڕۆڵا قازانجاوی بۊ.
بە وەشیەوە بە زەحمەتی فرەو خاتوو (ئاوێنە ئەحمەدی) ئی بەرهەمە ئیسە بە زوانی شیرینی هەورامی ئاماڎەن و ئەڎا و تاتە ئازیز و بەتەرخەمەکاو مەحاڵی متاوا سوودش چەنە بەرا.
ئی بەرهەمە مانگەو گەلاوێژوو ساڵە 1403 کۆچی ڕۊجیاری جە لاو (ئێنتشاراتوو زایەڵە)یەوە بە شېۋارێوی ڕېکوپێک چاپ و پەخش کریانەوە.
مزانمې کتیبخانەو هەورامانی جە بواروو پەرۋەرڎەی و دەروونشناسیەوە لاوازا. پەوکای ئی هەنگامېو خاتوو (ئاوێنە)یە بە بایەخ زانیۆ و لازمەن بە ئەمەکەوە سەرنجە پەنە دریۆ.
بە دەسوستەی و وانایۆ بەرهەمەکاو نویسەراو مەحاڵەکەیما، پەی ترۆقدای بە ڕۊتوو گەشەی و گەشاوەزیی هەنگامەی کاریگەرە هۆرگېرمێ.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (هەورامی) geschreven, klik op het pictogram
om het item te openen in de originele taal!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Dit item is 35 keer bekeken
Schrijf uw commentaar over dit item!