لەزمانی خۆیەوە:
ناوم ئەمیر و پاشناوم قازی یە. لە بنەماڵەی قازیەکانی مەهابادم، لە ساڵی 1938ی زاینی لەدێیەک بەنێوی حاجیاوا لەدەوروبەری مەهاباد لەدایک بووم. ساڵی وابزانم 1946 چوومەبەر خوێندن، دەورانی خوێندنم لەشارەکانی بۆکان، مەهاباد، تەورێز و تاران بووە.
لە تاران لە زانکۆی حقوق خوێندومە و ئەو ماوەیەش کە لە دەرەوەی وڵات بووم، لەزانستگەکانی ستوکهۆڵم و ئوپسالا لە بەشی زمان خوێندومە.
لەسەرەتای منداڵییەوە-کلاسی 3 و 4 ی سەرەتایی-کەوتۆمەتێکۆشانی سیاسییەوە و لەگەڵ یەکیتی لاوانی حیزبی دێموکراتی کوردستان کەوتووم و تا ساڵەکانی 1984ی زایینی تێکۆشانم دەگەڵ حیزبی دێموکراتی کوردستان بووە. لە ساڵی 1984 وەلەحیزبی دێموکراتی کوردستان دا نەماوم، هاوڕێ دەگەڵ گشتەبرادەرێکی دیکەی هاوفکر و هاوبیر هەر لەو ساڵەدا، ڕێکخراوی سیاسی سەربەخۆخوازی خۆمان بەنێوی بەرەی یەکگرتووی دێموکراتی کوردستان پێک هێناوە، ئەو ڕێکخراوەیەپاش چەند ساڵ تێکۆشان لەیەکەمین کۆنگرەی خۆیدا لە ساڵی 1990ی زایینی نێوی گۆرا و بوو بەپارتی سەربەخۆیی کوردستان و لەو کاتەوەتا ئێستاش دەگەڵ ئەو پارتییە لەکاردام. [1]
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 6,877 gånger
Skriv din kommentar om den här artikeln !