ساڵی 1964 لە شاری #سەردەشت# لە دایک بووە. خوێندنی سەرەتایی، ناوەندی و دواناوەندی هەر لەم شارە تەواوکردووە. ساڵی 1992 بەکالۆریۆسی زمان و ئەدەبیاتی فارسی لە کۆلێژی ئەدەبیاتی زانکۆی عەلامە تەباتەبایی شاری تاران وەرگرت. پاشان ساڵی 1997 ماستەری عیرفانی لە زانکۆی تاران تەواوکرد و ساڵی 2007 دکتۆرای ئەدەبیاتی فارسی لە زانکۆی فیردەوسی مەشهەد وەرگرتووە. هەروەها لە ڕێگای ئاکادمیای زانستی تاجیکستان، دکتۆرای مێژووی زانستی لە زانکۆی مۆسکۆ وەرگرتووە. ئێستا لە 4 زانکۆی تاران کە لە ئاستێکی بەرزی زانستی دان، وانە بە خوێندکاران دەڵێتەوە لەوانە: کۆلێژی ئەدەبیاتی زانکۆی تاران وانەی کۆنینەناسی، زانکۆی ئازادی ئیسلامی تاران وانەی مێژوو، زانکۆی پەیامی نووری تاران وانەی ئەدەبیاتی فارسی و زانکۆی مەزاهیبی ئیسلامی وانەی ڕوش تحقیق واتە چۆنییەتی لێکۆڵینەوە.
دکتور نادر کەریمیان بێجگە لە وانە وتنەوە بە خوێندکاران، زۆرتری کاتەکانی ژیانی خۆی لەسەر توێژینەوە و لێکۆڵینەوە لەسەر فەرهەنگ و دابوونەریتەکانی کۆنی کوردەواری تەرخان کردووە و تاکوو ئێستا چەندین پەرتووکی پڕبایخی لەم بوارانەدا پێشکەشی پەرتووکخانەی کوردەواری کردووە.[1]
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 2,497 gånger
Skriv din kommentar om den här artikeln !