ساڵی 1954ی زاینی لەشاری #سنە# لە ڕۆژهەڵاتی کوردستان هاتووەتەدنیا. خوێندنی سەرەتای و ناوەندی و دواناوەندیی لەشارەکانی سنە و #سەقز# و #کرماشان# تەواوکردووە. بەهۆی چالاکیی سیاسییەوە، لەسەردەمی ڕژێمی حەمەڕەزاشای ئێران، بەرەوڕووی گرتن و، زیندان و شکەنجە بووەتەوە. لە پاییزی ساڵی 1978 لەشاری کرماشان، کاتێک بەکرێگیراوانی دەزگەی سیخوڕیی ''ساواک'' هەڵدەکوتنە سەر ماڵەکەی، دەتوانێ خۆی دەربازبکات و، ماوەی پتر لە شەش مانگ بەشێوەی نهێنیی دەژیی. پاش ڕاپەڕینی سەرتاسەریی گەلانی ئێران لەساڵی 1979 لەدژی ڕژێمی دیکتاتۆری حەمەڕەزاشا، چالاکانە لە خۆپێشاندانەکاندا بەشداریدەکات.
لەدوای ڕووخانی ڕژێمی پاشایەتیی و هاتنەسەرکاری کۆماری ئیسلامیی و، فەرمانی جیهادی ئایەتۆڵڵا خومەینیی لەمانگی گەلاوێژی 1979 لەدژی نەتەوەی کورد، دەبێتە پێشمەرگە و، شانبەشانی سەدان ڕۆڵەی کورد، لەبەرامبەر هێرشی سوپای داگیرکەری ئیسلامیدا بەرگریی لە خاکی پیرۆزی نیشتمانەکەی دەکات.
ساڵی 1989 دەچێتە تورکیا و، لەنووسینگەی UN بەپەنابەری سیاسیی وەردەگیرێت. کۆتایی ساڵی 1990 لەلایەن وڵاتی نۆروێژەوە وەردەگیرێت. لەساڵی 1992 دا دەبێت بە ئەندامی سەرکردەیەتی پارتی سەربەخۆیی کوردستان و، تاکو ساڵی 1998 بەرپرسیاری دەزگەی ڕاگەیاندن دەبێ. لەساڵی 1998 دا، دەبێت بە ئەندام لە کۆنگرەی نیشتمانیی کوردستان. ماوەیەک دواتر بەرپرسیارێتیی دەزگەی ڕاگەیاندنی کۆنگرەی دەسپێردرێ پێی و، تاکو ئەوڕۆ کە 2010ی زاینییە، بەرپرسی ڕاگەیاندن و ئەندامی سەرکردەیەتیی کۆنگرەی نیشتمانیی کوردستانە.
بەرهەمی بڵاوکراوی بریتین لە: 1- گۆڤاری کۆنگرە، تاکو نەورۆزی 2010، سەرجەم 52 ژمارەی لێ بڵاوکراوەتەوە. 2- پەرتۆکی تلیاک، دراگ، ئەفیۆن لەساڵی 2009 دا لە نۆروێژ لەچاپدراوە. 3- مێژووی دەسەڵاتدارێتیی ئاینیی لەئێران (مانگی گەلاوێژی 2010 بڵاوکراوەتەوە. 4- کۆبەرهەم (ژمارە1) ئامادەی چاپە. جگە لەم بەرهەمانە، دەیان وتار و چەندین دیمانەی لە ڕۆژنامە و ماڵپەڕە کوردییەکاندا بڵاوکراوەتەوە.
لەساڵی 2006 ەوە، ئەندامی یەکێتیی نووسەرانی نۆروێژە.[1]
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 19,064 gånger
Skriv din kommentar om den här artikeln !