- سەرۆک وەزیرانی داگیرکەری سووری ڕایگەیاند کە دامەزراندنی دەوڵەتی کوردی بۆ ئێمە تێپەڕاندنی هێڵی سوورە.
- سەدان شۆفێر لە هەولێر خۆپیشاندانێکیان لە دژی بەرزبوونەوەی نرخی بەنزین سازکرد.
- تەجەموعی عەرەبی لە کەرکووک کە ڕێکخراوێکی شۆڤێنیی عەرەبە هاوردەکانە هەڕەشەی لە وەلید شەریکەی سەرۆکی پارتی ئەخائی تورکمانیی ئێڕاقی کرد چونکە نێوبراو پێش چەند ڕۆژێک و لە نامەیەکی کراوەدا داوای جێبەجێکردنی مادەی 58ی دەستووری کاتیی ئێڕاقی کرد.
- هەردوو هاووڵاتی (مزەفەر تۆفیق خالید) لەدایکبووی 1975 و (بارزان یەحیا وسو) لەدایکبووی 1974، کە هەردووکیان (خەڵکی ناحیەی قەراج)ی سەر بەقەزای مەخموورن، لەچوارڕیانی (حاجی عەلی- گەیارە) لەلایەن باندێکی عەرەبە تیرۆریستەکانی ناوچەکە دەگیرێن و دواتر هەردوو گەنجەکە سەردەبڕن و تەرمەکانیان لەنێوان گوندی سەیداوە و کەبەرۆک (کە دوو گوندی عەرەبنشینن) فڕێ دەدەن.
- دوو هاووڵاتیی کوردی شاری مەخموور بەناوی (حەسەن بەکر عومەر) و (دەخیل حەسەن) لەلایەن گروپێکی تیرۆریستە عەرەبەکان ڕفێنراون و بردراون بۆ گوندی (ستێرات) و بەرەبەیانی 29-12-2004 عەرەبە تیرۆریستەکان (دەخیل حەسەن)یان هێناوەتە نزیک مەخموور و ئازادیان کردووە و گوتوویانە تا کاتژمێر 4ی ئێوارەی ئەمڕۆ (10000) دە هەزار دۆلارمان بۆ نەهێنن سەری (حەسەن بەکر عومەر) دەبڕین.
کوردیپێدیا، ڕۆژانە (بێلایەنانە) مێژووی کوردستان تۆماردەکات... Händelseförlopp