بە پێویستی دەزانم لە یادی هاورێیانی گیان بەختکردوی 14-07-2000دا ئەوە بۆ ڕای گشتی ڕابگەیەنم کە شکات نامەی حزبی کۆمۆنیستی کرێکاری لە سەر سەرکردایەتی یەکێتی نیشتمانی کوردستان لە دادگای سلێمانی لەسەر تاوانی هێرش کردنە سەر بارەگاکانی حزبمان و کوشتنی پێنج هاورێمان، پرۆسەی لێکۆڵینەوە و دادگایی کردنی تاوان باران ماوەی شەش مانگ زیاترە لەلایەن وەزارەتی ناوخۆ لە هەولێر بێ وەڵام و بەدوداچون ڕاگیراوە.
پاش ئەوەی لە 14ئەیلولی 2011 حزبمان شکات نامەی لە دادگای سلێمانی لە سەر سەرکردایەتی یەکێتی تۆمارکرد، لە پرۆسەی لێکۆڵینەوەو سەلماندنی تاوانەکان و ئامادەکردنی بەڵگە یاساییەکاندا لەبەرامبەر چەند گرفتێکدا بەرەو ڕووبووین، کە گرنگترینیان دۆسیەی سەلماندنی مردنی هاورییانی گیان بە ختکردوو بوو، چونکە تاوانباران و ئاسایشی ئەو کاتەی سلێمانی هەموو ئەو دۆسیانەی کە پێویستە لە پزیشکی دادوەری(طب العدلي) لەسەر مردنی ئەو هاورێیانە تۆمار بکرێت لە ناویان بردبوون، بۆیە ئێمە بۆ ئامادەکردنی سەلماندنی مردنی ئەو هاورێیانە کە داوایەکی سەرەکی دادوەری ئاسایشی سلێمانی بوو، بەرەو ڕوی گرفتێکی جدی کراین لە لایەن دادگاوە، هەرچەندە ئەو تاوانە بە ڕۆژی ڕوناک و بە ئاشکراو بە بەرچاوی خەڵکەوە جێبەجی کراوە و لە مێژووی تاوانەکانی ئەو کاتەی سەرکردایەتی یەکیتیدا ناتوانرێت نکوڵی لێبکرێت، بەڵام بەداخەوە کە دادگای لێکۆڵینەوەی ئاسایشی سلێمانی پەیداکردنی بەلگەنامەی مردنی هاورێانی کردە مەرجی بەدواداچونی لێکۆڵینەوە لە تاوانی 14-07-2000، دواتر پێداگری ئێمەو بەدوادا چون بۆ پەیداکردنی بەڵگەکان، توانیمان بە یارمەتی ئاسایشی سلێمانی و شارەوانی سلێمانی و پزیشکی دادوەری بەشی بەڵگەکانی تاوان لە پۆلیسی سلێمانی بە هەوڵ و ماندوبوونێکی زۆرەوە بەڵگەی مردنی هاورێیان ئامادەبکەین و لە گەڵ تەواوی ئامادەکاریەکانی سەلماندی تاوانی 14/7 بخەینە بەردەم دادگا، بەم جۆرە کارو بەدواداچوون و لێکۆڵینەوەکان کە لە باری یاساییەو پێویستن لە لایەن حزبی کۆمۆنیستی کرێکاریەوە تەواو کراوە و پێویستە تاوان باران بانگ بکرێن بۆ بەردەم دادگاو لێکۆڵینەوەیان لە گەڵدا بکرێت، بەڵام ئەوە ماوەی شەش مانگ زیاترە شکاتنامەو دۆسیەکان ڕەوانەی وەزارەتی ناوخۆ لە هەولێر کراوەو بێ هۆ ڕاگیراوەو تا ئێستا بەدوادا چوونی لەسەر نەکراوە.
عوسمانی حاجی مارف
سکرتێری کۆمیتەی ناوەندی
حزبی کۆمۆنیستی کرێکاری کوردستان
11\7\2013
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 4,944 gånger