نوێنەری نەتەوەیەکگرتووەکان بۆ یارمەتی عیراق(یۆنامی) ژمارەی کوژراو و بریندارەکانی مانگی ئابی سەرجەم عیراقیان بڵاوکردۆتەوە.
بە پێی هەواڵێکی پێگەی ئەلیکترۆنی "سۆمەرییە نیوز" نوێنەری نەتەوەیەکگرتووەکان بۆ یارمەتی عیراق داتاییەکان لەو بارەییەوە بڵاوکردۆتەوە، لە مانگی ئابی ڕابردوودا 822 کەس کوژراون و 2030 کەسی دیکەش بریندار بوون.
لە درێژەی ئەو هەواڵەدا هاتووە، لە نێوان کوژراوەکاندا 716کەس لەوانە هاوڵاتیانی سڤیل بوون و 106 کەس لە هێزەکانی پۆلیس بوون و ژمارەی بریندارانیش 1936 کەس هاوڵاتیانی سڤیلن و 195 کەسیان لە هێزەکانی پۆلیسن. هەروەها 88 کەس لە هێزە ئەمنیەکان کوژراون و 94 کەسی دیکەشیان بریندار بوون.
مانگی ئابی ئەمساڵ،شەپۆلێکی توندوتیژی و تەقینەوە لەسەرجەم پارێزگاکانی عیراق سەریهەڵدا و بەو هۆییشەوە بە سەدان کەس کوژراو و برینداربوون ئەمە جگە لەوەی زیانی ماددی زۆر بەو شوێنانە کەوتووە کە تەقینەوەکانی تێدا ئەنجامدراون.
- 02-09-2013
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 4,011 gånger
Skriv din kommentar om den här artikeln !