کۆمەڵانی خەڵکی کوردستان..
وەک ئاگادارن بەرەبەیانی ڕۆژی چوارشەممە 20-11-2013 بە دەستێکی نادیار کاکە (سەروەت حاجی ڕەشید) شەهید کرا. لە ڕۆژی شەهید کردنیەوە تا ئەمرۆ لێدوان و هەواڵی جیاجیاو نادروست لە هەندێ کەناڵی تەلەفزیۆنی و ڕۆژنامەو گۆڤارو پێگەی ئەلکترۆنیەوە بڵاودەکرێتەوە، ئێمە لە بنەماڵەو خزمانی کاکە سەروەت بە پێویستی دەزانین ئەم ڕونکردنەوە بۆ ڕای گشتی خەلکی کوردستان و کەناڵەکانی ڕاگەیاندن بڵاو بکەینەوە.
1- شەهید (سەروەت) لەماوەی 20 ساڵی ڕابوردودا بۆ حیزبەکەی و نیشتمانەکەی کەسێکی بە دیسپلین و دڵسۆز بوە، جێگەی شانازیی هەمووان بووەو خۆشی شانازیی کردوە بەو خزمەت و ئەرکەی لەسەر شانی بوە.
2- ئێمە بەناوی بنەماڵەو خزمانی (شەهید سەروەت)ە وە ڕایدەگەیەنین، کە بەهیج شێوەیەک لێدوانمان بۆ هیچ گۆڤار و ڕۆژنامەو پێگەیەکی ئەلیکترۆنی نەداوە، بۆیە تەواوی ئەو هەواڵ و دەنگۆیانەی لەسەر شەهیدکردنی کاکە سەروەت لە هەندێ کەناڵەوە بڵاودەکرێنەوە بەناراست و نادروستی دەزانین،. لێرەشەوە ڕایدەگەیەنین کە بۆ لەمەودوا هەر هەواڵ و زانیارییەک بەبێ ڕەزامەندی بنەماڵەکەمان لەهەر دەزگایەکی ڕاگەیاندنەوە بڵاو بکرێتەوە ئێمە بە مافی یاسایی خۆمانی دەزانین کە ڕێگای یاسایی لەبەرامبەری بگرینە بەرو لە دادگا ساکاڵای لەسەر تۆمار بکەین.
3- سەرەڕای سوپاسی زۆرمان بۆ هەوڵی هێزەکانی ئاسایش و پۆلیس لەبەرامبەر هەوڵ و ماندوبونیان، هیوادارین کە بەردەوام بن لە هەوڵەکانیان بۆ دۆزینەوەی تاوانباران و ڕووبەرووی دادگایان بکەنەوە، ڕاشیدەگەیەنین کە تەنها بەڕێزان لە سکرتاریەتی هەڤاڵ مام جەلال و دادگاو هێزەکانی پۆلیس و دەزگا ئەمنیەکان مافی لێدوان و قسەکردنیان لەسەرئەو دۆسیەیە هەیە.
لەگەڵ ڕێزدا...
بنەماڵەی شەهید
سەروەت حاجی ڕەشید
2-12-2013
بۆ پەیوەندی: عومەر حاجی ڕەشید – برای شەهید سەروەت : 07501943056
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 6,723 gånger
Skriv din kommentar om den här artikeln !