خەندان- ڕەڤەند گوهەرزی
سەرۆکی سەندیکای کرێکارانی کوردستان لقی دهۆک ئاماری گیانلە دەستدانی کرێکاران و ئه و زەرەرو زیانە گیانيانەی بەر کرێکاران کەوتوون لەمساڵدا له و پارێزگایە ئاشکراکردو ڕاگەیاند، لەماوەی ئەمساڵدا 19 کرێکار لەسەرکار گیانیان لەدەستداوە.
لە کونگرەیەکی ڕۆژنامەوانیدا، عیسا نەسری، سەرۆکی سەندیکای کرێکارانی کوردستان لقی دهۆک، ڕایگەیاند، " لەمساڵدا 144 کرێکار لە دهۆک خانەنشین کراون و 19 کرێکاریش لە سەرکار گیانیان لە دەست داوە و 30 کرێکاریش بریندار بوون".
ناوبراو ئەوەشی خستەڕوو کە،" لەمساڵدا، سەندیکا 15 هەزار و 902 ناسنامەی بو کرێکارانی ناوخۆو بیانی دروست کردووە"، وتیشی: لەئێستادا 815 کرێکاری ژن لە دهۆکە کاردەکەن.
عیسا نەسری، ئاماژەی بەوەشکرد کە،" سەندیکا لەماوەی ئەمساڵدا 167 کەیسی کێشەی کرێکارانی چارەسەر کردووە و ئه و کەیسانەشی کە ماون ڕەوانەی دادگای کردوون.
بەهۆی نەبوونی مەرجی پاراستنی گیانی کرێکاران لەکاتي کارکردن لەپرۆژەکاندا، ساڵانە ژمارەیەکی زۆر لەکرێکار لەهەرێمی کوردستان گیان لەدەست دەدەن، هەروەک ژمارەیەکی دیکەشیان دووچاری زیانبەرکەوتنی جەستەیی و تەندروستیی دەبنەوە.
- 26-12-2013
Denna post har skrivits in (کوردیی ناوەڕاست - Central Kurdish) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 7,575 gånger
Skriv din kommentar om den här artikeln !