هێمن مامەند
سەرۆکی لیژنەی داکۆیکردن لەمافی ڕۆژنامەنوسان ڕایدەگەیەنێت لەماوەی شەش مانگی یەکەمی ئەمساڵ 19 حاڵەتی پێشێلکاری بەرامبەر بەرۆژنامەنوسان کراوه و لەنێویشیاندا هەڕەشەی کوشتن و داخستنی کەناڵیشی تێدایە و ئاماژەش بەوە دەکات هێشتا ڕاپۆرتی شەش مانگی کۆتایی ئەمساڵیان نەنوسیووە.
جەمال حسێن، سەرۆکی لیژنەی بەرگریکردن لەمافی ڕۆژنامەنوسان تایبەت بەخەندانی ڕاگەیاند" لەشەش مانگی ئەمساڵدا واتە لە01-01-2014 تا 30-06-2014، نۆزدە حاڵەتی پێشێلکاری بەرامبەر بە 38 ڕۆژنامەنوس کراوە".
جەمال حسێن ئاماژەی بەوەشکرد" لەکۆی ئه و ژمارەیە دوو حاڵەتی کوشتن و پێنج حاڵەتی ڕاگرتن (توقیف) هەیە و داخستنی کەناڵی ئاژانسی دیجلە و گۆڤاری ڕۆژی وڵات-یش هەن.
سەبارەت بەهۆکاری بڵاونەکردنەوەی ڕاپۆرتەکانی پێشێلکاری لەماوەی ئەمساڵدا، جەمال حسێن وتی" هۆکارەکە بۆئەوە دەگەرێتەوە کە بەشێک لەوانەی پێشێلکارییان بەرامبەر ڕۆژنامەنوسان کردووە، ناویان هاتووه و ئێستا لە بەرکانی جەنگن و ئەمەش نەدەکرا له و کات و ساتەدا و له و دۆخە ئەمنیە، ئه و ڕاپۆرتە بڵاوبکەینەوە."
لەبارەی ڕاپۆرتی کۆتایی شەش مانگی ئەمساڵیش وتی کە هێشتا ڕاپۆرتەکە نەنوسراوە، بەڵام بەم نزیکانە ئامادەی دەکەن.
- 09-12-2014
Denna post har skrivits in (کوردیی ناوەڕاست - Central Kurdish) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 10,360 gånger
Skriv din kommentar om den här artikeln !