رێبین محەمەد
نەخۆشخانەی گشتی دەربەندیخان ئاماری ڕووداوەکانی ساڵی 2014یان ڕاگەیاند و دەرکەووتووە ڕووداوەکانی هاتووچۆ بریندار و مردنی لێکەوتووەتەوە کەمبووەتەوە، هەروەها بۆ چارەسەری ئاسایی 60 هەزار کەس سەردانی نەخۆشخانەی کردووە و 964 منداڵ لە دایک بوون و 115 کەسیش گیانی لەدەستداوە.
لە ئامارەکەدا کە کۆپییەکەی بۆ خەندان نێردراوە، بەراوردی ڕووداوەکانی هاتووچۆ کراوە ڕونکراوەتەوە: "لە ساڵی 2012 دا 215 ڕووداوی ئۆتۆمبیل ڕوویاندا بوو کە تیایدا 24 هاوڵاتی گیانیان لەدەستداوە و 418 هاوڵاتیش بریندار بوون و لە ساڵی 2013 دا 183 ڕووداوی ئۆتۆمبێل ڕوویانداوە و تیایدا 20 هاوڵاتی گیانیان لەدەستداوە و 372 هاوڵاتیش بریندا بوون، لە ساڵی 2014 دا 132 ڕووداوی ئۆتۆمبێل ڕوویانداوە کە تیایدا 18 هاوڵاتی گیانیان لەدەستداوە و 254 هاوڵاتیش بریندار بوون".
سەبارەت بە سەردانی بەشی فریاکەوتنی نەخۆشخانەکەیان ئەوە هاتووە: "ساڵی 2014 بە گشتی 38500 نەخۆش ڕووداوی جۆراوجۆریان بەسەردا هاتووە، 132 ڕووداوی هاتووچۆ، 18 کەس گیانیان لەدەستداوە، 254 کەسیش بریندار بووە، 3816 کەس بە ڕووداوی جۆراروجۆر بریندار بوون، 6 حاڵەتی پێوەدانی مار 80 حاڵەتی پێوەدانی دوپشک تۆمار کراون".
لە بەشێکی تری ئامارەکەدا ڕێژەی مردن و لەدایک بوون خراوەتە ڕوو کە: "رێژەی لەدایکبوون بۆ ساڵی 2014، 964 منداڵ لەدایکبوون، 468 منداڵ کوڕ بوون و 496 منداڵیش کچ بوون، ڕێژەی مردنیش 115 کەس گیانیان لەدەستداوە کە 65 کەس لە ڕەگەزی نێر و 50 کەسیشیان لە ڕەگەزی مێ بوون".
- 01-01-2015
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 7,088 gånger
Skriv din kommentar om den här artikeln !