لیژنەیەکی تەندروستی گەرمیان، بڕێک مادەی هۆشبەر لەناو دەبات که لەماوەی شەش مانگدا لەلایەن ئاسایشی گەرمیانەوە دەستی بەسەردا گیراوە.
جەلال غەریب، بەرپرسی بەشی یاسایی لە بەڕێوەبەرایەتی گشتی تەندروستی گەرمیان، بە خەندان_ی ڕاگەیاند:" شەش مانگ جارێک کۆی کۆکراوەی مادە هۆشبەرە دەستبەسەراگیراوەکانی سنوورەکە، بەفەرمانی دادگا لە ئاسایشی گەرمیانەوە ڕەوانەی ئێمە دەکرێت بەمەبەستی لەناو بردنی.
رونیشیکردەوە: "لەم ڕۆژانەدا کۆکراوەی شەش مانگی مادەی هۆشبەری دەستبەسەراگیراویان لەلایەن لیژنەیەکەوە لەناو برا.
جەلال غەریب، ئاماژەی بەوەشدا، کە کۆی ئه و مادە هۆشبەرانەی کەلەناو بران بریتیی بوون لە: "نزیکەی (335) گرام حەشیش، (188) گرام کریستاڵ، (1467) حەپ کە بۆ بێهۆشیی بەکاردەبرێت، لەگەڵ (2) گرام تریاک و (38) گرام هاڕاوەی حەپی بێهۆشکەر".
ئاماژەی بەوەشدا کە ئەم مادانە لەلایەن ئاسایشی گەرمیانەوە بە(19) هاوڵاتیەوە گیراون، وتیشی: "ئه و بڕە مادانە لەگەڵ ئه و کەرەستانەی کە بۆ کێشان و بەکارهێنانی مادە هۆشبەرەکان بەکارهێنرابون و دەستیان بەسەردا گیرابوو، لەلایەن لیژنەیەکەمانەوە لەناو بران".
- 02-02-2015
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 5,071 gånger
Skriv din kommentar om den här artikeln !