دەقی بەیاننامەکەی جێگری سەرۆکی هەرێمی کوردستان:
بەناوی خوای گەوره و میهرەبان
ئامادەبووانی خۆشەویست...
لە "27"ەمین ساڵیادی کارەساتی کیمیابارانکردنی هەڵەبجەدا، جارێکی تر بە خەمناکیەوە پرسه و سەرەخۆشی خۆم ئاراستەی کەسوکاری شەهیدانی ئەم کارەساتە ویژدان هەژێنە و سەرجەم شەهیدانی ڕێگای ڕزگاری کوردستان دەکەم.
دیارە ئەمساڵ یادکردنەوەی کارەساتی کیمیابارانکردنی هەڵەبجە هاوکاتە لەگەڵ پەسەندکردنی یاسای بەپارێزگابوونی هەڵەبجە، کە ئەمەش جێگای دڵخۆشی و ئومێدی هەموومانە و دەمێک ساڵیشە گوتوومانە هەڵەبجه و هەڵەبجەییەکان شایستەی زۆر لەوە زیاترن کە بۆیان بکرێ، بۆیە لێرەوه و لە پاڵ هاوخەمی بەم کارەساتە جارێکی تر پیرۆزباییەکی گەرم لە خەڵکی پارێزگای هەڵەبجە دەکەم و ئومێد دەکەم بە پارێزگابوونی شارەکەیان بەشێک لە خەمەکانیان کەم بکاتەوە.
هەروەک بە پێویستی دەزانم لێرەوە داوا لە سەرجەم حزب و لایەنە سیاسییەکان بکەم کە بەرژەوەندی تەسکی حزبایەتی و پۆست و پلە وەلابنێن و هەرچی زووە ڕێک بکەون لەسەر دەستبەکاربوونی ئیدارەی پارێزگاکه و هێنانەدی خەونی هەموومان، بۆ ئەوەی هەڵەبجەییەکان خۆیان خزمەتی خۆیان بکەن و ئێمەونانانیش پاڵپشت و پشتیوان بین.
کۆسرەت ڕەسول عەلی
جێگری سەرۆکی هەرێمی کوردستان
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 10,824 gånger
Skriv din kommentar om den här artikeln !