دڵشاد شەعبان جێگری سەرۆکی لیژنەی نەوت و غاز لە پەرلەمانی هەرێمی کوردستان ڕایگەیاند، هەرێمی کوردستان لەگەڵ کۆتایی ساڵی 2015، هەناردەکردنی نەوتی ڕۆژانە لەڕێی تورکیاوە بۆ 900 هەزار بەرمیل بەرزدەکاتەوە.
ئاژانسی ئەنادۆڵ لە زاری دڵشاد شەعبان بڵاویکردەوە، ئه و نەوتە هەناردەکراوە، نەوتی کەرکووکیش لەخۆدەگرێت، چونکە لەئێستادا کوردستان ڕۆژانە 700 هەزار بەرمیل هەناردە دەکات و ئه و بڕەش لەگەڵ کۆتایی ئەم ساڵدا دەگاتە 900 هەزار بەرمیل.
سەبارەت به و نەوتەی بۆ حکومەتی فیدراڵیش دەنێردرێت، جێگری سەرۆکی لیژنەی نەوت و غاز لە پەرلەمانی کوردستان، وتی: "حکومەتی هەرێم ڕۆژانە لە بەندەری جەیهانی تورکیاوە، 150 هەزار بەرمیل نەوتی کەرکووک ڕادەستی کۆمپانیای بەبازاڕکردنی نەوتی عیراق (سۆمۆ) دەکات.
دڵشاد شەعبان وتیشی: " بەهۆی کێشەکانی بودجەوە، حکومەتی هەرێمی کوردستان بەردەوام دەبێت لەسەر فرۆشتنی نەوت بەشێوەی سەربەخۆ و بەجیا لە حکومەتی فیدراڵ"، چونکە بە وتەی ئەو، پێناچێت حکومەتی عیراق یاسای بودجەی گشتی ساڵی 2015، جێبەجێ بکات و پشی هەرێمی کوردستان له و بودجەیە بدات.
- 22-09-2015
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 436 gånger
Skriv din kommentar om den här artikeln !