جەماوەری خۆڕاگری کوردستان
ئەمڕۆ لە شاری قەڵادزێ، بەهاندانی لایەنێکی سیاسی بێ هەبوونی هیچ پاساوێک ئاراستەی خۆپیشاندەرانی ئەو شارەیان گۆڕی بەرەو بارەگای لیژنەی ناوچەمان، لەئاکامی هەوڵدان بۆ دەستدرێژیکردنە سەر بارەگا و کادیر و پێشمەرگە پاسەوانەکانی ئەو بارەگەیە لە چوارچێوەی هێرشە بێ پاساوەکەدا، بەداخەوە ڕوداوی نەخوازراو ڕویدا.
لەو بارودۆخە هەستیارەی کوردستان هەوڵدان بۆ زیاتر گرژکردنی بارودۆخ و تێکەڵاوکردنی پرس و کێشە لێکجیاوازەکان هیچ گرفت و قەیرانێک چارەسەرناکات جگە لە خزمەتگەیاندن بە دوژمن و ناحەزانی کورد و کوردستان. لەم کاتەدا بەرپرسیاریەتی دەکەوێتە ئەستۆی هەموو لایەک بۆ هێورکردنەوە و ئاساییکردنەوەی بارودۆخەکە، پێویستە ئیدارە و دامودەزگاکانی ئاسایش و پۆلیس لەو دەڤەرانەی کە گرژی و ئاڵۆزیان تێدا دروستبووە مەسئولیەتی پاراستنی بارەگا و سەروماڵی کادرانمان بەئەستۆبگرن و پارێزراوبن لە دەستدرێژی، ناکرێت سوکایەتی بە بارەگاکانمان بکرێت و لێپێچانەوەش نەکرێت یان هەوڵی بەرگریکردن نەدرێت. هەر دەستدرێژیکردنێکیش بۆسەر بارەگاکانمان و سەروماڵی کادرانمان بەبێ باج نابێت.
مەکتەبی سیاسی
پارتیی دیموکراتی کوردستان
09-10-2015
Denna post har skrivits in (کوردیی ناوەڕاست - Central Kurdish) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 5,366 gånger
Skriv din kommentar om den här artikeln !