لە کاتێکدا ناوچەکەمان بە بارودۆخێکی زۆر هەستیاردا تێدەپەڕێ و ئاڵۆزیەکی زۆر لە پەیوەندیە هەرێمایەتی و نێودەوڵەتیەکاندا هەیە، هێزێکی سەربازی ووڵاتی تورکیای دراوسێ پێشڕەوی کردوە بۆ قوڵاییی خاکی ووڵاتمان، ئەمەش شکاندنی عورف و یاسا نێودەوڵەتیەکانە و سوکایەتی کردنە بە شکۆمەندی نیشتیمانی کۆماری عیراق و چوونە دەرەوەیە لە نیەتی دراوسێیەتیەکی باش و پێکەوە ژیان و پێشێلکردنی ئەوەیەکە هیچ لایەک سەورەری خاکی یەکتر پێشێل ناکەن.
داواکارین لە دەسەڵات و بەرپرسانی کۆماری تورکیا دەستبەجێ ئەو هێزە بکێشنەوەو فەرمان بکەن جارێکی تر کاری لەو شێوەیەخراپە کە کاریگەری لەسەر پەیوەندی هەردوووڵاتی دراوسێ دروست دەکات دووبارە نەبێتەوە و نەبێتە زیاتر هاندانی ئاڵۆزی لە ناوچەکە.
بەپێ ی پێگەی دەستوری خۆشمان داواکارین حکومەت و سەرجەم وەزارەتە پەیوەنددارەکان و بەتایبەت وەزارەتی دەرەوە ڕێوشوێنی یاسایی و عورفی نێودەوڵەتی بگرنەبەر بەو شێوەیەی شکۆمەندی خاکی عیراق دەپارێزێت و دەبێتە هۆی زامنکردنی ئاسایش و ئۆقرەیی بارودۆخی سیاسی و دیبلۆماسی لەگەڵ تورکیا و دراوسێکانی تری عیراق.
سەرۆک کۆماری عیراق
05-12-2015
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 5,815 gånger
Skriv din kommentar om den här artikeln !