لەشەوی سەری ساڵدا 21 حاڵەتی برینداری لەنەخۆشخانەی فریاکەوتنی سلێمانی تۆمارکراوە کە 13 حاڵەتیان بەهۆی چەقۆوە برینداربوون و هەشتەکەی دیکەش بەهۆی تەقەمەنییەوە.
شەوی ڕابردوو لەشاری سلێمانی لەیانه و هۆڵەکانی ئاهەنگ گێڕاندا یادی سەری ساڵ سازکرا، بەشێکی زۆریش لەهاوڵاتیان ڕژانە سەر شەقامی سالم بۆ دەربڕینی خۆشیەکانیان.
دکتۆر ئومێد عەلی، بەڕێوبەری نەخۆشخانەی فریاکەوتنی سلێمانی بەخەندان-ی وت "شەوی ڕابردوو 21 حاڵەتی برینداری گەیەنراونەتە نەخۆشخانە، کە 13 حاڵەتیان بەهۆی چەقۆوە بووە، دووان له و کەسانەی بەچەقۆ برینداربوون داخڵکراون و نەشتەرگەریان بۆ ئەنجامدراوە".
وتیشی "هەشت حاڵەتی برینداری تریش بەهۆی تەقەمەنیەوە بووه و سەرجەمیان چارەسەریان بۆ کراوه و ڕەوانەی ماڵەوە کراون".
شەوی ڕابردوو دواین شەوی ساڵی 2016ە بوو، لە کاتژمێر نۆی بەیانی دوێنێوە شەممەوە شەقامی سالم لەبەردەم باخی گشتی-ەوە تاکو ئەندەرپاسی خەسرەوخاڵ داخراو ڕێگە بەهاتوچۆی ئۆتۆمبێل نەدرا، بەرەبەیانی ئەمڕۆ شەقامەکە بەرووی ئۆتۆمبێلدا کرایەوە.
- 01-01-2017
Denna post har skrivits in (کوردیی ناوەڕاست - Central Kurdish) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 7,732 gånger
Skriv din kommentar om den här artikeln !