ژمارەیەک فۆتۆگرافەر لەسلێمانی، لەڕێگەی کەمپینێکی هاوکاریی ئازادکردنی ڕیشۆڵەوە زیاتر لە چوار ملیۆن دیناریان وەک کۆمەک بۆ نەخۆشخانەی هیوا کۆکردەوە.
غاندی زاهیر، یەکێک لە ڕێکخەرانی کەمپینەکە بەخەندان-ی ڕاگەیاند، ئەوان لەماوەی دووڕۆژدا، 800 ڕیشۆڵەیان ئازادکردووە کەهەر ڕیشۆڵەیەک بە 700 دینار کڕیبویان و بە پێنج هەزار دینار به و کڕیارانەیان فرۆشتووە کە ویستویانە ئازادیان بکەن.
ئەوەشی خستەڕوو، بەئازادکردنی ئه و ڕیشۆڵانە زیاتر لە چوارملیۆن دیناریان وەک هاوکاری بۆ نەخۆشەکانی نەخۆشخانەی هیوا کۆکردووەتەوه و پارەکەیان ڕادەستی ئیدارەی نەخۆشخانەکە کردووە.
چالاکی ئه و فۆتۆگرافەرانە، لەژێر ناوی (ئەگەرتۆبێیت شێرپەنجە ئەڕوات) بەڕێوەچوو، بەوتەی غاندی، مەبەستی سەرەکیان گەیاندنی هاوکاری بووە بە توشبوانی ژێرپەنجە لەنەخۆشخانەی هیوا.
بەرانبەر ئازادکردنی هەر ڕیشۆڵەیەک فۆتۆگرافەرەکان بێبەرانبەر وێنەیەکیان بۆئەوکەسانە تۆمارکردووه و بۆیان چاپکردووە.
- 06-02-2017
Denna post har skrivits in (کوردیی ناوەڕاست - Central Kurdish) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 5,364 gånger
Skriv din kommentar om den här artikeln !