لە سەرەتای دەستپێکردنی ڕزگارکردنی بەری ڕاست (رۆژئاوا)ی موسڵ تا ئێستا، 929 تیرۆریستی داعش کوژراون و 84 ئۆتۆمبیلی چەتەکانیش تێکشکێندراون و سێ فڕۆکەی بێ فڕۆکەوانیش خراونەتە خوارەوە.
فەرماندەیی هێزەکانی پۆلیسی فیدراڵی لە موسڵ، ئەمڕۆ بەیاننامەیەکی بڵاوکردەوە و تێیدا دەرەنجامی ئۆپەراسیۆنی ڕزگارکردنی بەری ڕاستی (رۆژئاوا)ی موسڵی ڕاگەیاند.
رائید شاکر جەودەت، سەرکردەی هێزەکانی پۆلیسی فیدراڵ لە بەیاننامەکەدا وتویەتی:لە سەرەتای دەستپێکردنی ئۆپەراسیۆنی ڕزگارکردنی بەری ڕاستی موسڵ تا ئەمڕۆ، 929 تیرۆریست کوژراون، 84 ئۆتۆمبیلی چەتەکان تێکشکێندراون، 3 فڕۆکەی بێ فڕۆکەوان خراونەتەوە خراوە.
لە بەیاننامەکەدا ئەوەش هاتووە کە:هێزەکانی پۆلیسی فیدراڵ، لە سەرەتای دەستپێکردنی ئۆپەراسیۆنی ڕزگارکردنی بەری ڕاستی موسڵ توانیویانە 26 گوند و گەڕەک و فڕۆکەخانەی موسڵ ڕزگار بکەن، هەورەها توانیویانە کە 929 چەتەی تیرۆیستی دعش بکوژن، 84 ئۆتۆمبیلی چەتەکان تێکبشکێنن کە بریتیبوون لە ئۆتۆمبیلی ئاسایی و ئۆتۆمبیلی بۆمبڕێژکراو، سێ فرۆکەی بێ فڕۆکەوانیان خستوەتەوە خوارەوە.
لە بەشێکی دیکەی بەیاننامەکەشدا ئاماژە بەو کراوە کە:هێزەکانی پۆلیسی فیدراڵ 170 بۆمبی چێندراویان پوچەڵ کردوەتەوە و 30 پشتێنی بۆمبڕێژکراویشیان لەناوبردووە، جگە لەوانەش دەستیان گرتوە بەسەر 48 میوانخانە و 4 تونێڵ و بڕێکی زۆر لە چەک و جبەخانە و مووشەکی جەنگی.
28-02-2017
Denna post har skrivits in (کوردیی ناوەڕاست - Central Kurdish) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 3,566 gånger
Skriv din kommentar om den här artikeln !