لەگەڵ دەستپێکردنی هاوین و وەرزی گەرما، لانیکەم 1400 گوندی #ڕۆژهەڵاتی کوردستان# تووشی کێشەی نەبوونی ئاو یان کەمئاوی بوونە.
بەپێی ئامارەکانی حکومەت، ئەو گوندانە زیاتر لە 20 خێزانیان لێ نیشتەجێیە، ژمارەی گوندە بێئاوەکانیش کە ژمارەی خێزانەکانیان لە 20 ماڵ کەمترە، زۆر زیاترە.
دانیشتووانی گوندە بێئاوەکان دەڵێن، حکومەت هەوڵی چارەسەرکردنی کێشەکانیان نادات. بەڕێوەبەری ئاوی ئێرانیش دەڵێت، کێشەی بێئاوی گوندەکان بە تەرخانکردنی 10 تریلیۆن تمەن چارەسەر دەبێت.
بەپێی ئامارەکان، لە پارێزگای #سنە# نزیک بە 440 گوند کێشەی ئاوی خواردنەوەیان هەیە. لە پارێزگای #کرماشان# ئەو ئامارە ئێستا 93 گوندە، بەڵام بەگوتەی بەڕێوەبەری کۆمپانیای ئاوی ئەم پارێزگایە، لە وەرزی گەرمادا تاوەکو 300 گوندیش تووشی کێشە دەبن.
لە #ئیلام# بەگوتەی بەرپرسانی ئێستا 46 گوند بە تانکەر ئاویان دابین دەکرێ، بەڵام بە کەمبوونەوەی ئاوەکان لە هاویندا تاوەکو 100 گوند بەرزدەبنەوە. پارێزگای #لوڕستان# بێ کێشەترین پارێزگای ڕۆژهەڵاتی کوردستانە، بەڕێوەبەری کۆمپانیای ئاوی گوندەکانی لوڕستان دەڵێت، 10 گوند بە تانکەر ئاوی خواردنەوەیان دابیندەکرێ، ئەگەریش هەوا زۆر گەرم بێت، تاوەکو 20 گوند بەرزدەبنەوە.
لە پارێزگای #ورمێ# زیاتر لە 500 گوند کێشەی ئاوی خواردنەوەیان هەیە.
بەپێی پلانی حکومەت بۆ چارەسەککردنی کێشەی ئاو، ئەو گوندانە لە ئەولەوییەتدان کە ژمارەی دانیشتوانیان زیاترە. پێشبینی دەکرێ تاوەکو چوار ساڵی دیکە 92%ی گوندەکان کێشەی ئاویان چارەسەر بکرێت.
27-06-2017
Denna post har skrivits in (کوردیی ناوەڕاست - Central Kurdish) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 3,757 gånger
Skriv din kommentar om den här artikeln !