دواڕۆژ، بورهان یەحیا
سەرۆکێ لژنەیا تاپۆکرنێ ل جڤاتا پارێزگەها #دهۆک# د کۆنگرەیەکێ رۆژنامەڤانی دا دیارکر کو؛ گوهۆڕین ب سەر ماستەر پلانا باژێڕێ دهۆک و ب تایبەت تاخێ گژەبەرا پەیدا بوویە و ب نەخشەیێ نوو دێ ب سەدان خانیێن زێدەگاڤی یێن تاخێ گژەبەرا ل سەنتەرێ باژێڕێ دهۆک هێنە تاپۆکرن.
باسل جۆقی سەرۆکێ لژنەیا تاپۆکرنێ ل جڤاتا پارێزگەها دهۆک د کۆنگرەیەکێ رۆژنامەڤانی دا رۆهنکر کو؛ پێشتر کۆمپانییەکا ئەلمانی ب رێککەڤتن دگەل کارگێرییا پارێزگەها دهۆک ماستەر پلانا باژێڕێ دهۆک کێشابوو و ب گۆرەی وێ پێدڤی بوو پتری هزار خانییان ل تاخێ گژەبەرا بهێنە خرابکرن داکو ئه و ماستەر پلان وەکو خۆ بهێتە جێبەجێکرن، لێ ئەنجامدانا ڤی کاری زۆر ب زەحمەتە و د پراکتیک دا ناهێتەکرن لەوا وەکو جڤاتا پارێزگەهێ داخواز ژ کارگێرییا پارێزگەهێ هاتەکرن کو چارەیەکێ بۆ ڤی کێشەی ببینیت لەوا بڕیار هاتەدان گوهۆڕین ب سەر ماستەر پلانێ دا بهێنەکرن و ل تاخێ گژەبەرا گوهۆڕینەکا وەسا بهێتەکرن داکو وەلاتی زیانمەند نەبن و حوکمەت ژی بشێت بجه بینیت.
باسل جۆقی دا دیارکرن کو؛ کارگێرییا پارێزگەهێ لژنەیەک ژ جڤاتا پارێزگەهێ، باژێڕڤانی و تاپۆیێ و چەند لایەنێن دی یێن میری پێکئینا و دووڤچۆنا بابەتی کر و پشتی چەندین سەرەدانێن مەیدانی و کێشانا دیزاین و نەخشەیێن نوو بۆ تاخێ گژەبەرا بڕیار هاتەدان ب گۆڕەی نەخشەیێ نوو کار بۆ جێبەجێکرنا وێ بهێتەکرن و ب ڤێ چەندێ دێ ب سەدان خانی دێ ل وێ دەڤەرێ هێنە تاپۆکرن بۆ هندێ ئێدی هەر رێڤەبەرییەکا میری بشێت خزمەتگوزاری و پلانێن خۆ ل وێ دەڤەرێ جێبەجێ بکەت.
ناڤبۆری ئاماژەکر کو؛ پتری 2500 خانیێن زێدەگاڤی ل تاخێ گژەبەرا هەنە لێ مەرج نینە هەر هەموو بهێنە تاپۆکرن چونکو دڤێت تاپۆکرن ب گۆرەی بڕیارا ژمارە 5 یا پەڕلەمانێ کوردستانێ بیت کو خانی بەری سالا 2000ێ هاتبیتە تاپۆکرن یان پسۆلەیا 120ێ هەبیت یان پسۆلەیا هەشت دینار و نیڤێ یا سەردەمێ رژێما بەرێ هەبیت.
سەرۆکێ لژنەیا تاپۆکرنێ ل جڤاتا پارێزگەها دهۆک دا دیارکرن کو؛ هەر خانییەکێ نەهێتە تاپۆکرن پێدڤی بهێتە خرابکرن و ب ڤێ چەندێ دێ ژلایێ باژێڕڤانییا دهۆک ب پارچەیەکا ئەردی یا 200 مەتری هێنە قەرەبووکرن و ب ڤێ چەندێ دێ کێشەیا ب سەدان خانیێن تاخێ گژەبەرا هێتە چارەسەرکرن و روویەکێ نوو یێ شارستانی بۆ وی تاخی زڤریت.[1]
23-08-2017
Denna post har skrivits in (کرمانجی) språk, klicka på ikonen
för att öppna objektet på originalspråket!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Denna post har tittat 4,950 gånger
Skriv din kommentar om den här artikeln !