بەپێی ڕاپۆرتە بڵاوکراوەکان لە میدیاکاندا، دادگای ئینقلابی ئیسلامیی تاران، #محەمەد عەلی تاهیری# بە ئێعدام مەحکووم کردووە. بەڕێز تاهیری بەڕێوەبەریی دامەزراوەی عیرفانی حەڵقەیە، کە لە 6 ساڵ پێشەوە بە تۆمەتی عەقیدەتی مەزهەبی لە زیندان دایە. بەپێی یاساکانی ڕێکخراوی لێبوردنی نێونەتەوەیی، ناوبراو بە افساد فی الارض تاوانبار کراوە و لە هەندێک لە میدیاکاندا لە زاری بەرپرسانی قەزایی و دادستانی تاران، تۆمەتەکانی ناوبراویان لە بیاڤی فکری و تێزەکان، نایاسایی لە قەڵەم داوە.
محەممەدعەلی تاهیری ساڵی 1389 بە 5 ساڵ زیندان لە پێوەندی لەگەڵ چالاکییەکانی مەحکووم کرابوو، کە زیندانی ناوبراو لە مانگی ڕێبەندانی 1394ی کۆتایی پێهات. سەرەڕای ئەوەیکە 6 ساڵ لە زیندانی بوونی تێپەڕیوە، بەڵام هەتا ئێستەش لە زیندانی تاکەکەسیدا ڕاگیراوە.
شۆرای بەڕێوەبەریی ڕێکخراوی داکۆکیی لە مافی مرۆڤی کوردستان سزای زیندان کردن و دەرکردنی حوکمی ئێعدامی بۆ محەممەدعەلی تاهیری بە تۆمەتی چالاکیی لە بیاڤی فکری و عەقیدەتی، یان بوونی باوەڕی جیاواز بە دژی ئوسوولی بنچینەیی مافی مرۆڤ، مافی یاسایی و مەدەنی دەزانێت.
ئەو ڕێکخراوە؛ داوا لە دەوڵەت و دەزگای قەزایی کۆماری ئیسلامیی ئێران دەکات، بە هەڵوەشاندنەوەی مەحکوومیەتی محەممەدعەلی تاهیری ناوبراو ئازاد بکات.
6ی خەرمانی 1396ی هەتاوی
28-08-2017ی زایینی
شۆرای بەڕێوبەریی ڕێکخراوی داکۆکیی لە مافی مرۆڤی کوردستان
Denna post har skrivits in (کوردیی ناوەڕاست - Central Kurdish) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 5,061 gånger
Skriv din kommentar om den här artikeln !