کەیسی بکوژ نادیار، بووەتە دیاردەیەکی دیاری ئەم ڕۆژانەی #کەرکووک#، لایەنە تورکمانییەکان لە ماوەی چوار مانگی ڕابردوودا ئاماژە بە کوژرانی 19 کەسیان و لە ئەگەری چارەسەرنەکردنی ئەو دۆخە، هەڕەشەی کاردانەوەی تووند دەکەن.
عەلی موفتی، ئەندامی مەکتەبی سیاسی تورکمان ئیلی بە تۆڕی میدیایی ڕووداوی ڕاگەیاند پێویستە لەسەر حکومەتی عێراق و لایەنە ئەمنییەکان درک بەو مەترسییه بکەن کە لەئێستادا هەیە، ئەوەش بزانن تورکمانەکان بێ دەنگ نابن لەسەر ئەو دۆخە گەر بەردەوامبێت و بکرێینە ئامانج، گەلی توورکمانیش لایەنی سیاسیی و کەسایەتی و جەماوەری خۆی هەیە.
بەپێی ئاماری لیژنەی ئاسایش و بەرگریی پەرلەمانی عێراق، کورد بە 40 کوژراو و ڕفێندراو، بووەتە ئامانجی سەرەکی ئەو زنجیرە کوشتنانەی لە دوای 16ی ئۆکتۆبەرەوە لە کەرکووک ڕوویانداوە، بۆ ڕوونکردنەوەی زیاتر، بڕیارە پارێزگاری کەرکووک بە وەکالەت بانگهێشتی پەرلەمان بکرێت.
شاخەوان عەبدوڵڵا، ئەندامی لیژنەی ئاسایش و بەرگریی پەرلەمانی عێراق بە ڕووداوی ڕاگەیاند پێشێلکارییەکان لەنێوان داخستنی پارتە سیاسییەکان کوشتن، ڕفاندنی هاووڵاتیان و سووتاندن و داگیرکردنی ماڵی هاووڵاتیان هەیە، هەموو ئەو ئامارانە لای ئێمە تۆمارکراون و دراونەتە نەتەوە یەکگرتووەکان و سەرۆکایەتیی حکومەت، لە لیژنەی ئاسایش و بەرگری بە خۆشحاڵییەوە دەنگ لەسەر ئەوە درا کە پارێزگار بانگهێشتی پەرلەمان بکرێ و لێپرسینەوەی لەگەڵ بکرێت.
لەدوای کشانەوەی پێشمەرگە، هێزەکانی سوپا، پۆلیسی فیدڕاڵی و #حەشدی شەعبی# لە کەرکووک جێگیربوون، تورکمانی سوننە پێیانوایە بەو ئاڵوگۆڕە، لەجیاتی قازانج زەرەریان کرد. ئەوان ئەگەر جاران ڕەخنەیان لە ئاڵا و درووشمە نەتەوەییەکانی کورد هەبووبێت، ئێستا بەرەوڕووی ئاڵا و درووشمە مەزهەبییەکانی شیعە و مەترسی تەعریبێکی نوێ بوونەتەوە.[1]
#18-02-2018#
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 2,790 gånger
Skriv din kommentar om den här artikeln !