رێڤەبەرێ ڤێتێرنەرییا #دهۆک# راگەهاند، ڤەکرنا بالەفڕگەهێن هەرێما کوردستانێ ژ ئالیێ ئیراقێ چو کاریگەری لسەر دەستپێکرنا بازرگنیا چێلان ل دهۆک نەبوویه، چنکو بازرگانێن دهۆک ترسا کرینا چێلان هەیە.
د. دیار تەیب رێڤەبەرێ ڤێتێرنەرییا دهۆک بۆ دواڕۆژ گۆت وەلاتێ ترکیا رێ نادەت چێل ل وەلاتێ وێ دەربازی هەرێما کوردستانێ بن، بازرگانێن دهۆک ژی ناچارن ب رێکا بالەفڕان چێلان ژ چەند وەلاتێن دی بینن وەک وەلاتێن جۆرجیا و روومانییا.
ناڤبۆری خوەیاکر پشتی بالەفڕگەهێن هەرێما کوردستانێ هاتینە ڤەکرن پێشبینی دهاتە کرن بازرگانێن دهۆک دەست ب ئینانا چێلان بکەن، لێ ژ ترسا رەوشا ئابۆری چو بازرگانان داخواز دەستوورا ئینان چێلان ژ رێڤەبەریا وان نەکریە، لێ دهەمان دەمدا ئه و بازرگانێن سالا دەربازبووی ژی دەستوور وەرگرتی دشێن نوکە کار بکەن.
ل سنوورێ پارێزگەها دهۆک 36 کۆمپانی کارێ بازرگانیا چێلان و گۆلکان دکەن کو ل گۆرەی زانیاریێن رێدیر سدقی شەریف، رێڤەبەرێ سامانێن ئاژەلی ب وەکالەت ل دهۆک، بەری دەمەکی داینە دواڕۆژ؛ بەرهەمێ گوشتێ سور سالانە ل دهۆک دناڤبەرا 8300 -8400 تەنان دایە و ئه و بەرهەم تێرا نێزیکی 50% ژ روونشتڤانێن دهۆک دکەت.[1]
#09-04-2018#
Denna post har skrivits in (کرمانجی - کوردیی سەروو) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Denna post har tittat 2,770 gånger
Skriv din kommentar om den här artikeln !