دواڕۆژ، #بورهان یەحیا#
ڤەکۆلەر و نڤیسەرێ ئێزدی ئاماژەکر؛ ل رێکەفتی 3/8/2014ێ چەکدارێن #داعش# 410 زەلامێن ئێزدی دەستەسەرکرن و هەتا نوکە چارەنڤیسێ وان دیار نینە.
داوود موراد خەتاری ڤەکۆلەر و نڤیسەرێ ئێزدی بۆ دواڕۆژ رۆهنکر ل وێ رۆژا چەکدارێن داعش هاتینە ناڤا سەنتەرێ باژێڕێ شنگال ئانکو 3/8/2014ێ پتری 410 زەلامێن ئێزدی ل جهەکی کۆم کرن و دووڤدا ل 26/4/2015ێ هەر هەموو ژ تەلەعفەر بۆ جهەکێ نەدیار ڤەگوهاستن و هەتا نوکە چارەنڤیسێ وان دیار نینە.
خویاکر پشتی هاتینە ڤەگوهاستن بۆ تەلەعفەر هەر هەموو ل مزگەفتا دەڤەرا کەسک ل تەلەعفەر/رۆژئاڤا مووسل هاتنە کۆمکرن و سیاری ترومبێلێن بارهەلگر کرن و بۆ جهەکێ نەدیار ڤەگوهاستن و ژ وێ رۆژێ هەتا نوکە چ پێزانین لسەر وان کەسان نەهاتینە دەستخستن کا ل ژیانێ ماینە یان نە.
دیارکرلڤێرە داخوازێ ژ جڤاتا ئێمناهییا نێڤدەولەتی و رێکخراوێن جیهانی یێن مافێ مرۆڤی و هەموو لایەنێن پەیوەندیدار دکەین کو دووڤچۆنا ڤی بابەتی بکەن بۆ هندێ چارەنڤیسێ ڤان 410 زەلامان بۆ کەسوکارێن وان دیار ببیت.
ئەمین خەلاتی ژ راگەهاندنا رێڤەبەرییا کاروبارێن رەڤاندیێن دەستێ داعش بۆ دواڕۆژ دیارکر هەتا نوکە چ پێزانین لسەر جهێ ئەڤ کەسە بۆ هاتینە ڤەگوهاستن بەردەست نینە و کەس ژوان ژی نەهاتییە رزگارکرن و چ پێزانین ژی نەگەهشتینە کا ئایا د ژیانێ دا ماینە یان نە.[1]
#21-05-2018#
Denna post har skrivits in (کرمانجی) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Denna post har tittat 1,999 gånger
Skriv din kommentar om den här artikeln !