ماوەی دوو ڕۆژە ئاگرێک لە گوندەکانی هەورامان کەتووەتەوە و هەزاران دۆنم لە دارستانی سروشتیی و ڕەز و باخی هاوڵاتیانی سوتاندووە.
لە دوانیوەڕۆی دوێنێوە ئاگرێک سنوری گوندەکانی دەگا شێخان و سەیرانگای ئاوێسەر و پشتی شاخی بیارەی گرتوەتەوە لە انوچەی هەورامان و تا ئێستا نەتوانراوە کۆنتڕۆڵ بکرێت.
لەبارەی هۆکاری ئاگرکەوتنەوەکە، زانیار عومەر، وتەبێژی بەڕێوەبەرایەتی بەرگریی شارستانیی #هەڵەبجە# بە ڕۆژنیوزی ڕاگەیاند: هۆکاری ئاگرکەوتنەوەکە نەزاندراوە و بەهۆی سەختیی ناوچەکە و بەرفراوانیی ئاگرەکەشەوە تا ئێستا نەمانتوانیوە کۆنترۆڵی بکەین.
سەبارەت بە زیانەکانیش، ناوبراو، وتی: بەهۆی ئەوەی تیمەکانمان هێشتا سەرقاڵی کۆنتڕۆڵکردنی ئاگرەکەن، دیارییکراوی زیانەکانمان دەستنیشان نەکردووە، بەڵام بە هەزاران دۆنم لە باخ و دارستانی سروشتیی و بەشێک لە ڕەز و باخی هاوڵاتیانیش سوتاوە.
بەگوێرەی ئاماری بەرگریی شارستانیی هەڵەبجە، لە بەرواری #01-07-2018# تا 25/7/2018 لە سنووری بەرێوبەرایەتییەکدا 23 حاڵەتی جۆراوجۆری ئاگرکەوتنەوە تۆمارکراون، کە بڕی 12 ملیۆن و 500 هەزار دینار زیانیان لێکەتووەتەوە، بە شێوەیەکی گشتیش لەسەرەتای ئەمساڵەوە تا 25/7/2018 بەهۆی ئاگرکەوتنەوەوە بە بڕی زیاتر لە 87 ملیۆن دینار زیان بەهاوڵاتیان گەیشتووە.[1]
#29-07-2018#
Denna post har skrivits in (کوردیی ناوەڕاست - Central Kurdish) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 3,526 gånger
Skriv din kommentar om den här artikeln !