لە 11 ڕۆژی کۆتایی مانگی ئاب-دا،10 کەس لە هەرێمی کوردستان کوژراون و خۆیان کوشتووە، وتەبێژی دەستەی مافی مرۆڤی هەرێمی کوردستان-یش دەڵێت: دراما تورکییەکان هۆکارن بۆ زیادبوونی کوشتن و خۆکوشتن.
بەگوێرەی ئامارێک، کە ڕۆژنیوز لە محەمەد گۆمەشینی، وتەبیژی دەستەی مافی مرۆڤی هەرێمی کوردستانی وەرگرتووە، لە ڕۆژی 21ی ئابەوە، کە دەکاتە یەکەم ڕۆژی جەژنی قوربان هەتا ڕۆژی 1/ئەیلول، 10 کەس لە هەرێمی کوردستان کوژراون و خۆیان کوشتووە.
محەمەد گۆمەشینی، زۆربوونی دراما تورکیەکان لە کەناڵە ناوخۆیی و ئاسمانییەکان، بە هۆکاری زیادبوونی کوشتن و خۆکوشتن دەزانێت، چونکە وەک ئەو وتی: لەناو دراماکاندا دیمەنی خۆکوشتن و کوشتنی تێدایە ئەمەش ڕاستەوخۆ کاریگەریی لەسەر بینەر دادەنێت و دەبێتە هاندان بۆ کوشتن و خۆکوشتن و کلتورێکی جیاوازیش دێنێتە هەرێمی کوردستان.
گۆمەشینی، داوای لە وەزارەتی ڕۆشنبیریی کرد، بۆئەوەی بە ئەرکی خۆی هەڵبستێت و سنوورێک بۆ ئەو درما تورکییانە دابنێت.
وتەبێژی دەستەی مافی مرۆڤی هەرێمی کوردستان، نەیشاردەوە، کە خۆکوشتن و کوشتنی هاوڵاتیان بووەتە دیاردەیەکی مەترسیدار و دۆخەکە گەیشتووەتە ئاستێک، کە دەزگا ئەمنییەکانیش ناتوانن چارەسەری بکەن.[1]
#02-09-2018#
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 3,298 gånger
Skriv din kommentar om den här artikeln !