دواڕۆژ، پشتیوان جەمال
نرخی گۆشتی سور لە #سلێمانی# کەمدەکرێتەوە، بەڕێوەبەری چاودێری بازرگانیش هۆکارەکەی بۆ زۆربوونی ڕێژەی ئاژەڵ دەگێڕێتەوە و دەشڵێت: دەبێت قەسابەکان پێوەی پابەندبن.
#سۆران# عەبدولغەفور، بەڕێوەبەری چاودێری بازرگانی سلێمانی بەدواڕۆژی ڕاگەیاند: نرخی گۆشت لە 16 هەزارەوە بۆ 14 هەزار دینار کەمکراوەتەوە، هۆکارەکەشی ئەوەیە ئاژەڵ زۆرە و لە ئێستادا خواست کەمە، لەهەموو شوێنەکانیش هەر بەو نرخەیە و دەبێت قەسابەکان نرخیش بە دوکانەکانیانەوە هەڵبواسن.
دواڕۆژ لە ناوچەی بەلەدییەکەی سلێمانی بەدواداچوونی بۆ ئەو نرخە کرد و دەرکەوت هەموو دوکانەکان نرخەکانیان بە 14 هەزار دینار هەڵواسیوە، هاوڕێ محەمەد، خاوەنی دوکانێکی قەسابییە و بۆ دواڕۆژی ڕوونکردەوە: چەند ڕۆژێکە نرخی گۆشت بۆتە 14 هەزار دینار هەمووشمان بەو نرخەوە پابەندین.
هاوکات دکتۆر ڕزگار حەمەخدر، جێگری بەڕێوەبەری ڤێتێرنەری سلێمانی بە دواڕۆژی ڕاگەیاند: ڕۆژانە لای ئێمە بە تێکڕایی 70 تەن گۆشتی سور بەکاردەهێنرێت، مانگانەش نزیکەی دوو هەزار و 800 تەن و لە ساڵێکدا نزیکەی 22 تا 26 هەزار تەن گۆشت بەکاردەهێنرێت، ئەوەش لە ستانداری جیهانییەوە نزیکە.
وتیشی: لەستانداری جیهانی مرۆڤ لە ساڵێکدا 14 کلیۆ و 400 گرام گۆشتی سوری بۆ دیاریکراوە، بەپێی داتاکانی ئێمەش هەر تاکێک لە سنوری پارێزگاکەمان ساڵی 13 کلیۆ و 500 تا 13 کلیۆ و 800 گرام گۆشت دەخوات.[1]
#06-11-2018#
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 2,006 gånger
Skriv din kommentar om den här artikeln !