ساڵی بەتەم، هەڵمەگرە خەم
تاقيکردنەوەکانی کشتياری جوتيار و وەرزێری کورد هەموويان کراون بە پەند و ئيديۆم وتراوە(پەڵەکەت،خەرمان کەت) واتە ساڵێک بارانی پەڵەی لە سات و کاتی خۆی بدات و پەڵەيەکی باش بێت و زەوی تەڕوپاراو بکات ئه و ساڵە بەروبومەکان بێ کێشە دەبن و خەرمانيش پڕبەرکەت و گەورە دەبێت، سەبارەت بەدياردەی جوگرافی(تەم)يش لە دەرهاويشتەی ڕەگەزەکانی ئاو و هەوای شێ و پلەکانی گەرميدا دێتە کايەوە بووە بەنيشانەيەکيتر بۆ وەرزێرانی کورد و لەدێر زەمانەوە ئەزمون و تاقيانکردۆتەوە کە ساڵێک پڕ بێت لە ڕۆژانی(تەم)ی بەيانيان تا نيوەڕۆيان ئەوا ئه و ساڵەش پڕ دەبێت لە خێر و بەرەکەت و پێويست بەخەم وغەم هەڵگرتن ناکات و بەروبومی ئه و ساڵەش بەرێک وپێکی دێتە بەرهەم و زەپۆش و کەش و هەوا بۆی لەباردەبن، هەربۆيە بووە بەدرکە و دەربڕ لە ناو کورداندا بۆ ساڵی بەتەم دەوترێت(ساڵی بەتەم، هەڵمەگرە غەم).
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 1,264 gånger
Skriv din kommentar om den här artikeln !