دواڕۆژ، رەڤەند گوهەرزی
پشتی هاتنا شەپۆلەکا بهێز یا بارانبارینێ دماوێ حەفتیەکێدا ل سنورێ پارێزگەها #دهۆک#ێ و دروستبوونا لافاوان 14 روویدان هاتنە تومارکرن، بەرپرسێ راگەهاندنا بەرەڤانیا باژێری ل دهۆکێ دبێژیت: ب کۆژمێ 99 میلون دیناران زرارێن مادی بەر وەلاتیان کەفتینە.
رائید بێوار عەبدۆلعەزیز، بەرپرسێ راگەهاندنا رێڤەبەریا بەرەڤانیا باژێری ل پارێزگەها دهۆکی بۆ دواڕۆژ راگەهاند: دماوێ حەفتیەکێدا ژبە بارینا رێژیەکا زۆر یا بارانێ ل هند دەڤەرێن سنورێ پارێزگەها دهۆکێ لافاو دروست بوون و زرارێن مادی ب وەلاتیان کەفتن.
گۆت ژی: شەڤا دەربازبووی ل سنورێ ناحیا شێلادزێ ب سەدەمێ بارینا بارانەکا زۆر و بلندبوونا ئاڤێ کوگەها خوارنگەهەکێ و نزیکی 15 جهێن بخودانکرنا ئاژەلان بن ئاف بووینە وسێ ئاژەل و ب دەها مریشک ژی ژنافچووینە.
بێوار دزانین ژی: دماوێ حەفتیەکێدا ل سنورێ پارێزگەها دهۆکێ 14 روویدانێن دروستبوونا لافاون هاتینە تومارکرن کو 11 مال ل قەزیێن #ئاکرێ# و #زاخۆ# بن ئاف ببوون و دوو بەنداڤ ل شێخان پەقین و پرۆژەیەکێ بخودانکرنا مریشکان ل بەردەڕەش ب تەمامی ژنافچوو.
راگەهاند ژی: ژئەنجامی دروستبوونا وان لافاوان ب کۆژمێ 99 میلون دینار زرارێن مادی بەر وەلاتیان کەفتن.[1]
#14-12-2018#
Denna post har skrivits in (کرمانجی - کوردیی سەروو) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Denna post har tittat 3,013 gånger
Skriv din kommentar om den här artikeln !