فەوجە دێ و دەڕوا
لە هەشتاکانی سەدەی ڕابردوو کێخوايەکی يەکێک لە گوندەکانی شارەدێی(#سێگردکان#) کە لە(#تەقتەق#) نيشتەجێ بووە حکومەتی عێراقی کە ڕژێمی حزبی بەعسی عەرەبی ئيشتراکی ڕانەوا بوو، (فەوجێکی خەفيفە)ی بۆدەکاتەوە، فەوج بە کوردی واتە(دەستە، تاقم، گروپ، کۆمەڵە) خەفيفەش واتە (سوک) کورد به و فەوجانەی دەوت(فەوجی جاشان) و بە سەرۆک فەوجەکەش دەوترا(مستەشار-سەرۆک جاش)، ئەم کێخوا سەرۆک جاشە ژمارەی(جاش-فرسان) ەکانی لە پەنجەی دەستان تێ ناپەڕێ و ناوە ناوەش يەکێک لە(جاش)ەکانی بەچەکەوە دەچووە ناو شۆڕش، جارێکيان ژمارەی ئەندامانی فەوجەکەی هێندە کەم بوو بۆوە تەنها چەکدارێک و کوڕەکەی خۆی ماونەتەوە، چەکدارەکە بە خۆی و چەکەوە فەوجەکە جێ دەهێڵێت و پەيوەندی بەشۆڕشەوە دەکات، لێی دەپرسن مام کێخوا ئەوە چی بوو ئەويش هيچ بەسەر خۆی ناهێنێت دەڵێت ئەوە فەوجە دێ و دەڕوا.
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 1,372 gånger
Skriv din kommentar om den här artikeln !