دواڕۆژ، کۆچەر عەلی
بەپێی ئامارێک لە ماوەی سێ مانگی کۆتایی ساڵی ڕابردوودا 82 حاڵەتی کوشتن و سوتانی ژنان لە هەرێم تۆمارکراون.
بەپێی ئامارێکی بەڕێوەبەرایەتی گشتی توندوتیژی دژ بە ژنان لە مانگەکانی 10 و 11 و 12ی 2018، لە پارێزگاکانی هەرێم 82 حاڵەتی کوشتن و خۆسوتانی ژنان تۆمارکراوە.
بڵاوکردنەوەی ئه و ئامارە لەکاتێکدایە پێشتر هەمان بەڕیوەبەرایەتی ئاماری 9 مانگی ساڵی ڕابردووی بڵاوکردبووەوە کە بەپێی ئامارەکان لەماوەی ئه و نۆ مانگەدا 91 ژن کوژرابوون یان خۆیان کوشتووە و 201 ژنیش خۆیان سوتاندبوو یان سوتابوون.
هەر بەپێی ئاماری توندوتیژی دژی ژنان لە سێ مانگی کۆتایی ساڵی پاردا هەزار و 912 سکاڵاش لەلایەن ژنانەوە لەسەر ئەنجامدانی توندوتیژی پیاوان بەرامبەر بە ژنان تۆمارکراون کە بەشێک له و سکاڵایانە لەسەر کەیسی کوشتن و سوتان بووە.
ئەمەل جەلال، ئەندامی ئەنجومەنی باڵای کاروباری خانمان بەدواڕۆژی ڕاگەیاند: ئه و ئامارانە جێی دڵخۆشی نین و لەگەڵ ئەوەی ڕێکخراوەکانی ژنان و دامودەزگاکانی حکومەت و لایەنە پەیوەندیدارەکان بەردەوام کار بۆ کەمکردنەوەی توندوتیژی دەکەن، بەڵام ڕێژەی کوشتنی ژنان و کێشە کۆمەڵایەتییەکان هێشتا ژمارەیەکی گەورەن لە هەرێمی کوردستاندا.
وتیشی: هۆکاری ئه و توندوتیژییانە دەگەڕێتەوە بۆ بەردەوامی قەیرانە سیاسی و ئابوورییەکان کە وایانکردووە خیانەتی هاوسەرگیری، نەگونجانی ژن و مێرد و هەڵوەشانەوەی خێزان پەرەبسێنێت.[1]
#31-01-2019#
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 1,982 gånger
Skriv din kommentar om den här artikeln !