ئاو هەموو ئاشەکەی بردبوو، کابرا بە دوای چەقچەقە دا دەگەڕا
ئاش يان ئاسياو دوو جۆری هەبوو ئاشی ئاو و ئاشی ئاگر، ئه و ئاشەی بە ئاو کاريدەکرد پێی وتراوە ئاشی ئاو، ئاشی ئاويش پێويستی بەدەراو و سەرچاوەی ئاو هەبوو بۆيە يان لە نزيک کارێز و کانی و سەرچاوە دامەزراوە يانيش لە ڕۆخ و کەناری ڕووبارۆچکە و ڕووباران دامەزرێنراوە، ئاش کە کاريکردوە و کورد وتەنی کە(گەڕاوە) دەنگێکی هەبوو بە(چەقەچەق)ی ئاشی ناوی هاتووە و بە هۆی دووبارە بوونەوەی هەمان دەنگ شێوەی ئاوازيشی لێهاتووە وتراوە چەقەوێڕەی ئاشی، ئينجا ئه و ساڵەی زەنە باران و ساڵێکی تەڕو توش و بەئاو بوايە لە وەرزی بەهاردا ئەگەری لافاو و ئاودەربوون زۆر بووە و هەندێجار سێڵاو و لافاوی دەم چۆم و ڕووباران هاتووە و ئاشی ئاوی بەتەواوی ڕاماڵيوە و برديويەتی، خاوەنەکەشی هيچ ئەوەی نەزانيووە ئاو بردويەتی وتويەتی دەنگی چەقەچەقی ئاشەکە نايەت، ئەمە واتە لە(بێ خەبەران کەشکەک سڵاوات) واتە کەسی بێ ئاگا و لەدوای شتی بچوک چوو، هەروەها هەمان ئيديۆم بەشێوەيەکيتر هەيە و وتراوە(گايەڵ بەگاڕانەوە چوو، لە گۆڵکە سووری دەپێچێتەوە).
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 3,197 gånger
Skriv din kommentar om den här artikeln !