نەماڵ لەسەر شيو، نەژن لە کچە تيو
سەر شيوو واتە نێو دۆڵ و کەنار چەم و ڕووباران و کچە تيو-يش واتە ناکەس بەچە، ئەگەر مرۆڤ خانووی لەسەر شيوو و دۆڵان بوو واتە ڕێگەی ئاوی گرتووە و ئاويش شوێنی خۆی هەر دەگرێتەوە بەتايبەت لەساڵێکی زەنەباران و لەبەهارێکی توش و پڕ هەوری چڕ و شەستەباران و ڕەهێڵەی بەخوڕ و سێڵاو و لافاوی کۆڵاوکۆڵ و ئاوماڵ و سەرڕێژی کەنارو هەردوو بەری ڕووباران بەمەش هەموو شتێک لەپێشی بێت ڕاپێچی دەکات و لەشوێنێکی دوور بەکاوڵی و وێرانەيی دەيکات بە ئاوماڵک، ڕەنجی چەندين ساڵت ئاو دەيبات و ماڵ و حاڵت لێ تێک دەدات لەماوەی تەنها يەک کاتژمێردا، کچەتيو-يش کە کچێکی ناکەس بەچەی ناڕەسەنە، چەندين ساڵ هاوژين و هاوسەرت بێت نابێتە ژنێکی سەلار و نەجيب زادە و کەسێکی دەم دەمی و(ميزاجی)يە، يەک تاکە ڕۆژی مابێت بەدەستەوە شەرم و شورەييت لە بنا بنکۆڵ دەکات و وەک سێڵاو و لافاوی بواران دەيبات، بۆيە وتراوە(نەماڵ لەسەر شيو، نەژن لە کچە تيو).
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 1,030 gånger