زەید ئەحمەد عوسمان کەسایەتییەکی سیاسی و ڕۆشنبیری شاری #هەولێر# بووە.
لە ساڵی 1924 لە هەولێر لەدایک بووە
لە #17-09-1978# کۆچی دوایی کردووە و لە گۆڕستانی بنەماڵەکەی لە #باداوە# نێژراوە.
زەید ئەحمەد عوسمان لە ساڵی 1958 وەک نوێنەری هەولێر هەڵبژێردراوە، دوای کودەتای 1968 چووەتە ناو شۆڕشی ئەیلوول، جێگای متمانەی ڕێبەرایەتی شۆڕش بووە و بەشداری لەو شاندانە کردووە کە لەگەڵ حکوومەت وتووێژیان کردووە.
زەید ئەحمەد عوسمان ئەوەندە مرۆڤێکی تێگەیشتوو و چالاک بووە کە تەنانەت باڵوێزخانەی ئەمریکاش ستایشی کەسایەتی بەرزی کردووە.
باڵوێزخانەی ئەمریکا لە بەیرووت لە بەڵگەنامەیەکی نهێنیدا لە ساڵی 1969 دەربارەی زەید ئەحمەد عوسمان دەڵێت:
(زەید عوسمان کە تەمەنی نزیکەی 47 ساڵە، پێش لە شۆڕشی کورد لە زانکۆی قاهیرە خوێندوویەتی و پاش ئەوە کاری یاسایی کردووە لە بەغدا. لە ساڵی 1966 یارمەتیدەر بووە بە ئامادەکردنی ڕەشنووسی ڕێککەوتننامەی کورد و حکوومەتی ئێراق لەلایەن سەرۆک وەزیران بەزاز. زەید عوسمان خۆی دەڵێت: بەهۆی چالاکی سیاسی 5جار لە بەغدا خراوەتە بەندیخانە. دوای ڕووخانی حکوومەتەکەی بەزاز و دوای تێکچوونی نێوان بارزانی و حکوومەتی ئێراق لە 1968 زەیدی ناچاربووە لە بەغدا هەڵبێت. لەو کاتەوە زەید عوسمان لە بارەگای سەرکردایەتی بارزانی دەژی و زۆربەی جاران وەکوو لێژنە دەچێتە دەرەوەی ئێراق. زەید عوسمان پاش ڕێککەوتننامەی ئاداری 1970ی نێوان بارزانی و حکوومەتی ئێراق نەچووەتە لای بنەماڵەکەی لە بەغدا چونکە متمانەی بە ڕژیمی بەعس نەبووە. زەید عوسمان هەرچەند کە زۆر شارەزای زمانی ئینگلیزییەوە و بە ڕاستی بە سەر ئەم زمانەدا زاڵە بەڵام مرۆڤێکی بە شەرم و حەیایە و لە قسەکردندا بەتەواوی مرۆڤ بە قەناعەت دەگەیەنێت. زەید عوسمان لایەنگری شێوە ژیانێکی دیموکراتانەیە وەک ئەوەی لە ئەمریکادا هەیە) (باڵوێزخانەی ئەمریکا لە بەیرووت). [1]
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 1,385 gånger
Skriv din kommentar om den här artikeln !