حیزبی دیموکراتی کوردستانی ئێران لەبارەی لەسێدارەدانی مستەفا سەلیمی زیندانیی کورد، ڕوونکردنەوەیەکی بۆ ڕای گشتی بڵاو کردەوە.
دەقی ڕوونکردنەوەکە بەم چەشنەیه:
روونکردنەوەیەک بۆ ڕای گشتی
بەدوای لەسێدارەدانی یەکێک لە بەندکراوانی هەڵاتوو لە بەندیخانەی #سەقز#، بە ناوی مستەفا سەلیمی، ژمارەیەک لە ڕاگەیاندنەکان، هەر کام بە شێوازی خۆیان لە لێدوانەکانی هاوڕێیان و ڕاگەیاندنی حیزبی بابەتەکەیان خستووەتە بەرباس، بۆیە بۆ ئاگاداریی ڕای گشتی بە ناوی حیزبی دیموکراتی کوردستانی ئێرانەوە ڕایدەگەێنین:
1 لەسێدارەدانی بەندکراو مستەفا سەلیمی لەلایەن ڕێژیمی کۆماری ئیسلامیی ئێرانەوە بە توندی مەحکووم دەکەین.
2 ئەوەی کە ناوبراو چۆن دەستگیر کراوەتەوە، بە لەبەرچاوگرتنی ئەوە کە ناوبراو هیچ پەیوەندییەکی ڕێکخراوەیی بە حیزبی ئێمەوە نەبووە، بۆمان ڕوون نییە، بەڵام ئێستا کە حکوومەتی هەرێمی کوردستان، بۆ ڕوونبونەوەی چۆنیەتیی ئەو پرسە لیژنەیەکی تایبەتی پێکهێناوە، بە هەنگاوێکی بەجێی دەزانین و هیوادارین ئاکامی لێکۆڵینەوەی ئەو لیژنەیە دەرخەری ڕاستیی ڕووداوەکە بێ.
حیزبی دیموکراتی کوردستانی ئێران
نووسینگەی کارگێڕی
23ی خاکەلێوەی 1399ی هەتاوی
#11-04-2020#
Denna post har skrivits in (کوردیی ناوەڕاست - Central Kurdish) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 2,285 gånger
Skriv din kommentar om den här artikeln !