ئەمڕۆ بەڕێوەبەرایەتیی گشتیی ئەزموونەکانی وەزارەت، بە نووسراوێکی فەرمی کە ئاڕاستەی هەموو بەڕێوەبەرایەتییە گشتییەکانی پەروەردەی دەکات، وردەکاریی ڕێنماییەکان کە ئەنجوومەنی وەزارەت پەسندی کردوون لەسەر فەرمانە وەزارییەکانمان دەردەچوێنێت.
بۆ ئەوەی وردەکاریی ڕێنماییەکانتان لێ ئاڵۆز نەبێت، لەبەر ئەوەی بەشی زۆری پەیوەندی بە قوتابخانەکانەوە هەیە، ئەوەی پەیوەندیی ڕاستەوخۆی بە قوتابخانەکانەوە هەیە، وردەکارییەکەی ئەوان جێبەجێی دەکەن. ئەو 3 خاڵەشی پەیوەندیی ڕاستەوخۆی بە قوتابییانەوە هەیە کە لە گشتاندنەکەدا هاتووە و لێرەدا دەیاننووسم، بریتین لە:
1- نمرەی بڕیار بۆ قۆناغی 4ی بنەڕەتی تا 11ی ئامادەیی لە 5 نمرەوە دەبێتە 10 نمرە.
2- قوتابیان و خوێندکارانی قۆناغی 12ی ئامادەیی کە مافی بەشداربوونیان بۆ تاقیکردنەوەی وەزاری وەرنەگرتووە:
أ- تەنیا لەو وانانە تاقیکردنەوە دەکەن، کە لە وەرزی یەکەم تێیاندا دەرنەچوونە. تاقیکردنەوەکانیشیان لە مەنهەجی وەرزی دووەم دەبێت و تەنیا لەو بابەتانەدا دەبێت کە پێشتر وەزارەت ڕایگەیاندووە.
ب- لە پاش تاقیکردنەوەی وەرزی دووەمیش، هەر دەتوانن لە 10 نمرەی بڕیار سوودمەندبن.
3- وانەی پەڕینەوە (عبور)، وەک ساڵانی ڕابردوو مامەڵەی لەگەڵ دەکرێت.
پارێزراو و تەندرووست بن...
ئالان حەمەسەعید
#01-06-2020#
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 1,679 gånger
Skriv din kommentar om den här artikeln !