بەراورد بە مانگەکانی پێش قەدەغەی هاتوچۆ و ڕێکارەکانی ڕووبەڕووبوونەوەی ڤایروسی کورونا حاڵەتەکانی توندوتیژی خێزانی لە شاری #کەلار# کەمی کردووە.
رائید فریاد هیدایەت لێپرسراوی نوسینگەی بەرەنگاربونەوەی توندوتیژی خێزانی لە کەلار بەPUKmedia ی ڕاگەیاند کە لەمانگەکانی قەدەغەی هاتوچۆ ڕووداوەکانی توندوتیژی دژی خێزانی کەمیکردووە.
ڕائید فریاد وتیشی: لەماوەی هەردوو مانگی یەک و دووی ئەمساڵ کە پێش قەدەغەی هاتوچۆ بووە 90 پەڕاوی لێکۆڵینەوە کراوەتەوە بۆ حاڵەتەکان، بەڵام لەهەردوو مانگی سێ و چوار کە قەدەغەی هاتوچو بووە 65 پەڕاو کراوەتەوە بۆ حاڵەتەکان.
لێپرسراوی نووسینگەی بەرەنگاربوونەوەی توندوتیژی خێزانی ئەوەشی وت: لە مانگەکانی پێش قەدەغەی هاتوچو 4 حاڵەتی داڵدەدان هەبووە، بەڵام لەماوەی قەدەغەی هاتوچۆدا تەنها یەک حاڵەتی داڵدەدان تۆمار کراوە.
سەبارەت بە حاڵەتەکانی سکاڵای پیاوان ڕائید فریاد ئاماژەی بەوەشکرد کە لە مانگی سێ دا 33 حاڵەتی سکاڵا هەبووە کە 20 حاڵەتیان ژنان سکاڵایان کردووە و 13 سکاڵاش پیاوان کردوویانە هەروەها لە مانگی چوارییشدا 32 سکاڵا تۆمار کراوە کە 18 سکاڵایان ژنان کردوویانە و 14 سکاڵاش پیاوان.
رائید فریاد وتیشی: کە چەندین کێشە هەبووە، بەڵام پەڕاوی بۆ نەکراوەتەوە، بەڵکو بە ڕاوێژ چارەسەر کراوە لەلایەن بەشی ڕاوێژکاری بەڕێوبەرایەتیمان.[1]
#03-06-2020#
Denna post har skrivits in (کوردیی ناوەڕاست - Central Kurdish) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 2,574 gånger
Skriv din kommentar om den här artikeln !