پلاتفۆرمی کوشتنی ژنان ڕادەگرین لە تورکیا ڕاپۆرتی تایبەت بە تووندوتیژی دژی ژنان لە تورکیا و باکووری کوردستان بڵاوکردەوە و ڕایگەیاند، لە مانگی حوزەیراندا 27 ژن بەدەستی پیاو کوژراون. هەروەها گومان لە گیانلەدەستدانی 23 ژنی دیکەش دەکرێت.
بەگوێرەی ڕاپۆرتەکە، تووندوتیژی دژی ژنان و کوشتنیان لەسەردەمی ڤایرۆسی کۆرۆنادا زیادیکردووە. لە کۆی ئەو 27 ژنەی مانگی ڕابردوو کوژراون، 11 کەسیان ڕوون نییە بە چی هۆکارێک کوژراون، 2 کەسیشیان بەهۆی خراپی دۆخی ئابوورییەوە بووە، 14 کوشتنیش بەهۆی ئەوەوە بووە ژنان ویستوویانە خۆیان بڕیار لەبارەی چارەنووسی خۆیان بدەن.
راپۆرتەکە ڕوونیدەکاتەوە، 15 ژن بە چەک و 8 ژن بەچەقۆ کوژراون، 3 ژن خنکێندراون و ژنێکیش شێواز و چۆنێتی کوشتنەکەی نەزانراوە. جەخت لەوەشکراوەتەوە، 14 ژن لەنێو ماڵەکەیان، 7 ژن لە کۆڵان، ژنێک لە شوێنی کار، ژنێک لە زەوی کشتوکاڵی، 4 ژنیش نەزاندراوە لە کوێ کوژراون.
هەر لە ڕاپۆرتەکەدا هاتووە، 41%ی ئەو ژنانە لەلایەن هاوژینەکانیانەوە کوژراون، 11%یان لەلایەن باوکیان، 11%یان لەلایەن کەسوکارەکانی دیکەیان و 4%یشیان لەلایەن براکانیانەوە کوژراون.
بەگوێرەی ئامارە فەرمییەکان، ساڵی 2019 لە تورکیا و باکووری کوردستان 474 ژن کوژراون.[1]
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 1,992 gånger
Skriv din kommentar om den här artikeln !