ئێمە لە تایبەتمەندی ناوەندی کرێکاران و جوتیارانی #حزبی شیوعی کوردستان#، بە نیگەرانییەوە دەڕوانینە هەلومەرجی جوتیاران و بەرهەمی ناوخۆی کشتوکاڵ، هەلومەرجێک سەرەڕای ڕەنجی زۆری جوتیاران بەرهەمەکانیان بەهۆی بێ بازاڕی ڕووبەڕووی زیانی گەورە دەبێتەوە، ئەمەش ڕاستەوخۆ کاریگەری لەسەر ژیانی هەزاران خێزانی جوتیاری دادەنێت و ڕووبەڕووی قەیرانێکی دارایی خێزانیان دەکاتەوە، و بونیادی ئاسایشی ئابورییان تێک دەشکێنێت.
ئەم بێ بازارییەی بەرهەمی کشتوکاڵی ناوخۆ دابڕاو نییە لە قەیرانی حوکومداری لە هەرێمی کوردستان، کە خۆی لە قەیرانی ئابوری و دارایی وسیاسی هەمەلایەن دەبینێتەوە و ڕاستەوخۆ دەسەڵاتداران بەر پرسی سەرەکین لەم قەیرانە و دروستکردنی کۆمەڵگایەک لەسەر بنەمای ئابوری بەرخۆری.
فڕێدانی بەرهەمی جوتیاران و بێ بازاڕی لە کاتێکدایە کە مووچەی کرێکارانی کەرتی گشتی (فەرمانبەرانیش) دابین ناکرێت بۆ دەرباز بوون وەک بەڵێنێک پێشتر چەندین جار سەرانی حکومەت باسی گرنگیپێدان و فرەکردنی سەرچاوەکانی بەرهەمهێنان و داهات و بەتایبەتی کەرتی کشتوکاڵیان کردووە کەچی لە واقیعدا دەبینین ئەوان ناتوانن بەرنامەیەکشیان هەبێت بۆ ڕێکخستن و پەرەپێدان و بەبازاڕکردنی بەرهەمی کشتوکاڵی لە کاتێکا جوتیاران خۆیان بەبێ پاڵپشتی حکومەت بونەتە سەرچاوەی بەرهەمهێنان.
ئەرکی هەنوکەیی حکومەتە قەرەبوی جوتیاران بکاتەوە و بەرنامەیەکی ڕوون ڕابگەیەنێت بۆ ڕێکخستن وەرگرتن و بە بازاڕ کردنی بەرهەمەکانیان و ڕێگری بکات لە داگیرکردنی بازاڕی ناوخۆ لە لایەن وڵاتانی دەوروبەر و قۆرخکاری ناوخۆ، هاوکات بۆ پاراستنی بەرژەوەندی چینایەتی کرێکاران و جوتیاران و خەڵکی پەراوێزخراو پێویستە گیانی خۆڕێکخستن و کاری بەیەکەوەیی و هەرەوەزی و تێکۆشانی جەماوەری بەهێزبکرێت و داواکارین هاورێیانمان و هاوڵاتیان دەستپێشخەربن بۆ فرۆشتن و ساغکردنەوەی بەرهەمەکانی جوتیاران لە چوارچێوەی کاری هەرەوەزیدا.
تایبەتمەندی ناوەندی کرێکاران و جوتیارانی حزبی شیوعی کوردستان
2020-07-09
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 2,047 gånger
Skriv din kommentar om den här artikeln !