مەگەر گو بکەنە سەر ڕێی کاروان
لە کوردەواریدا پاشەڕۆی مرۆڤ(گو) لە زۆر بواردا لە ئیدیۆمدا بەمەبەستی جیاجیا بەکارهاتووە، وەکو(گوخۆرە ، ڕدێن بەگووە، گوزل، گو لەودە، گوگەورە، ئەوەی بۆ گوکەر هەڵدەکەوێ بۆ ڕاوکەر هەڵناکەوێ، ناوی نەبوو لەناوناوان، دەچوو گوی دەکردە سەروچاوان-سەروئاوان).
گو کردنە سەر ڕێی کانیاو و کانی و سەروچاوەی ئاوی ئاوایی و گوکردنە سەر ڕێی کاروانیش لەیەکترییەوە نزیکن، کەسێک بێ کەسایەتی و ناووناوداری بێت باهەر گوبکاتە سەروچاوی ئاوی ئاوایی، کەسێک بێ توانا و شەڕکەر نەبێت با هەر گوبکاتە سەر ڕێی کاروان، دەگێڕنەوە لەشەڕی(شێخ بزێنی سەروو و ئاغاکانی کۆیە) هەواڵدەر هەواڵ دەداتە حەمەئاغای گەورەی کۆیە و دەڵێت خەڵکی گوندێکی سەرزێی بچوکیش بووینە پیاوی ئاغاکانی شێخ بزێنی سەروو، حەمەئاغاش بەکاوەخۆ و لەسەرەخۆ بەبێ ڕەنگ تێکچوون دەڵێت ئەوانە بێوەین مەگەر گوبکەنە سەر ڕێی کاروانمان واتە ئەوانە خەڵکی لاچەپ و لاشەڕ و بەدەست وقام و جەربەزە و ئازا و پیاوکوژ و دەست وەشێن نین هەر ئەوەندەیان پێ دەکرێت وڵاغەکانمان بڕەوێننەوە. [1]
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 913 gånger
Skriv din kommentar om den här artikeln !