نووسينی: مونجید سەقڕ
وەرگێڕانی: کاروان حەسەن عەزیز
دەزگای پەخش: فام
لەم کتێبەدا نووسەر گەشتێکی ناوازە و سەرنجڕاکێشی بە دەوری جوانییەکانی کیمیادا ئەنجام داوە، لایەنە هونەرییەکانی تیادا دەرخستووە، وێناکردنێکی (هونەری–زانستی) بە ئاڕاستەی خولقاندنی هەستێکی هونەری بەدەر لە هیچ کۆتوبەندێک پیشانداوە، پەرتووکێکی خنجیلانە و پوختە، نووسەر تێگەیشتن و ئەزموونە کیمیاییەکانی بە واقعی مرۆڤایەتی بەستووەتەوە، ڕەهەندێکی مرۆڤایەتی بە کیمیا و ڕێساکانی بەخشیووە، کە لە ڕێگەی زمانی کیمیاوە دیاردە گەردوونی و کۆمەڵایەتییەکانی ڕوون کردووەتەوە. پەرتووکێکە وای لە کیمیا کردووە قسە بکات، خۆشەویستی خوێنەر بۆ کیمیا زیاد دەکات و کیمیای بە زانستێکی چێژبەخش و سادە دەرخستووە.
لە سەرەتادا، نووسەر بە چیرۆکی گەردیلە دەست پێ دەکات و دواتر بەناو بیردۆزەکانی ئەو زانایانەدا شۆڕ دەبێتەوە کە هەوڵی ئاشکراکردنی پێکهاتە و نهێنییەکانیان داوە، هەندێک لە بیرۆکەکانیشی لە کتێبی (مێینەیی زانست)ی نووسەر جین شیفەرد هەڵێنجاوە، پاشان چەندین سەربردەی کیمیایی لە شێوەی چیرۆکی کورت و چێژبەخش باس کردووە، کە خۆی لە گفتوگۆی نێوان توخمە کیمیاییەکان و پەیوەندی و کارلێکی نێوانیان دەبینێتەوە، لە کۆتاییشدا دەرئەنجامەکانی لە ڕێگەی خەون و پەیبردنی چەند زانایەک خستووەتەڕوو کە بەهۆیانەوە چەندین دۆزینەوەی زانستیی گرنگیان لە بواری کیمیادا بەدەست هێناوە. [1]
Läs boken: ئەو دەمەی کیمیا دەدوێ
Total nedladdning:
2,858 gånger
Vi ber alla författare, översättare och förläggare för att informera oss om de inte är överens att få sina böcker hämtas från Kurdipedia server .
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 6,060 gånger