عەدێ و مەدێ 02
لەناو هەدیقەی دانیشتبووم ئەو کتێبەم دەخیندەوە : کوو دەبیە ملیۆنێر بە حەفتەکی، وەختەکی مەدێ بە مشەوەشی بەژۆرێ کەت، گۆتی : قوربانی ئەو سمێرە قەیتانیەت بم فریام کەوە..! گۆتم : یا ئەڵلا خێر، دیسان قەوماندیتت ؟ گۆتی : ناوەڵلا، بەران وابزانم عەدێی برام قەوماندیتی.! گۆتم : مەدێ نەبڕاوە نۆبەتی عەدێیە، چیکردیە، قاتی ئەویش وەکی توو تفەنگەکی بە حەوای وەنەنایە..! مەدێ بەینەکی تەماشای کردم، ئەوجە گۆتی : باشە کوو دەزانی عەدێ ژنی ناوی حەوایە.؟ گۆتم : بەڕاستتە ! گۆتی : ئەرێوەڵلا، گۆتم : وەڵلا هەرلۆخۆم وەگۆ، بەس پێم برێ بزانم چیکردیە ؟ گۆتی : وەڵلاهی گووەکی گەلە گەورەی خواردیە، گوو خواردنەکەی من لە چاوەوی سەلاتەیە..! گۆتم : ئێ دەبرێ چیکردیە !؟ گۆتی : ئەوە دیارە عەزی لێبووە بەو چەقەی نیوڕانێ جووەکی بکوژی، حەواش گۆتیتی : ڕجای خوات لێدەکەم واز بینە، بەو بێ ئاویەی عەیامان مەبە..! عەدێ وازی نەهینایە و ژنەش تەسلیم نەبووە، ئاخیری درۆیەکی کردووە گۆتیتی لەگە مدیری ئاوێ قسەم کردیە، گۆتینی نیو سعاتی دی ئاو دێتەوە، ژنە پێی بڕوا نەکردیە و گۆتیتی : عەدێ ئەتوو پێچ و پەنات گەلە زۆرە، قەت پێت باوەڕناکەم ! عەدێ لەتاو دەردو بەرای خۆی سێ بەسێ تەراقی خواردیەو گۆتیتی : سعاتەکیدی ئاو دێتەوە..! ژنەی بەستەزمان باوڕی کردیە، عەدێ وەکی لە جوو کوشتنێ بوویتەوە، لەسەر لاگونەکی لێی پاردایتەوەو گۆتیتی : دەوجە ئاو دێتەوە، نایێتەوە بەگونم..!
سعاتەک ڕۆییە، دووسعات بوویتە سێ، سێ بوویتە چار، ئاو هەر نەهاتتەوە، ژنە مشەوەش دەبی، سەر لەبن سەری عەدێی دەنێ و دەرێ ئەتوو تازە لەمن حەرامی و تەراقت کەتیە، ژنە وەرەگەڕێتە خۆو دەرێ هەندەم سوندەو هەندەم قورعانە لەکنت دانانیشم، هەتا تەراقت چانەکەیەوە..! گۆتم : ئەو جوو کوشتن و تەراقەی عەدێی چ پەیوەندی بەمن دایە.؟ مەدێ گۆتی : وەڵلاهی خێرت دەگاتێ چارەکی لە عەدێی بکە، وەڵلا وا لە مارێمە لەسە چاو کەتیە، گۆتم : کاکی من خۆ ئەمن مەلا نیمە، وەڵلا هیچی لێنازانم، پێی برێ بڕواتە کن مەلایەکی دیار، یان بابچیتە لیجنەی فتوای..! گۆتی : کورە عیلاجەکمان لێبکە خێرت دەگاتێ، گۆتم : وازم لێبینەو دەردی کابرای گۆتی ئەمن عیلاقەم نیە، دەوجە هەتا زووە خۆ بگەیننە مەلایەکی، گۆتی : یەعنی هیچت پێناکرێ، گۆتم : ناوەڵلا..! مەدێ بەینەکی باش داماو گۆتی : دە مادام وەیە، دوو پەقرەجە ئاویدیشمان بدێ.! گۆتم : ئەرێ کاکە خۆ ئەمن بیرم لە حەوشێ لێنەدایە، ئاوی لەکێ بینم.؟ گۆتی : ئێ هەی ڕەعمەت لەبابت، خۆ بە قالبی پیس نایانێرمە کن مەلای، وەڵلا ئاویان نەبوو خۆش پێ بشۆن..!
دوو پەقرەجەکەم پڕی ئاو کردەوەو دامە دەستی، هەریگرت و ڕێک ڕۆیی، گۆتم : وەرە وەرە، ئەوجارە بژی کێ.؟ گۆتی : وازم لێبینە با دوو گوللەی موختار کوژت پێوە نەنێم..!
مایتی..[1]
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 958 gånger
Skriv din kommentar om den här artikeln !