دەقی پیرۆزباییەکەی #ستران عەبدوڵڵا#، لێپرسراوی مەکتەبی ڕاگەیاندنی #یەکێتیی نیشتمانیی کوردستان#:
پیرۆزبایی
برای بەرێز هەڤاڵ کاروان ئەنوەر سەرنووسەری PUKmedia
هەڤاڵانی خوشک و برا لە سایتی PUKmedia
ساڵرۆژی دامەزراندنتان لێ پیرۆز بێت و دەستخۆشی لە کۆششی بەردەوامی ئەم سەکۆ ئاوەدانەی ڕاگەیاندنی یەکێتیتان لێ دەکەم کە بۆتە ئاوێنەیەکی ساف و بێگەردی ژیانی سیاسی، کۆمەڵایەتی و فەرهەنگی و وەرزشی کوردستان و عیراق و پەنجەرەیەکی فرە زمانی هەواڵ و زانیاری و ڕووداوەکان و ئینجا ناوەندێکی دیموکراتی بیر وڕای ئازاد و سەنگین.
هیوادارم بە هەمان هیمەت و ئازایەتی نزیکەی دوو دەیەی تێکۆشانی میدیایتان، لەگەڵ هەڤاڵانتان لە کەناڵ و بەشەکانی تری مەکتەب ئەمساڵ بکەنە ساڵی یەک گوتاری، یەکخستنەوە و پوختکردنەوەی ڕاگەیاندنی یەکێتی و پێکەوەش، بەکردەوە، هەنگاوی لەمێژە چاوەڕوانکراوی بۆ بنێین.
هەڤاڵانی خۆشەویست، یەکێتی و یەکێتیییەکان و کۆمەڵی کوردستانیش بۆ قۆناغی نوێ شایانی ڕاگەیاندنێکی کارا و چالاکترن و دڵنیام ئێوەی چوست و چالاکیش توانا و وزە و ئەزموونی نوێگەری و گەشەپێدانی زۆرتان پێیە کە بەشداری ئەم ئەرکە پیرۆزە بکەن.
سەد جار پیرۆزتان بێت و مۆمی تەمەنتان لە زستان و سێ وەرزەکەی تری ساڵ گەشاوە و گەرم و ڕێنوێن بێت.
ستران عەبدوڵڵا
لێپرسراوی مەکتەبی ڕاگەیاندن[1]
Denna post har skrivits in (کوردیی ناوەڕاست - Central Kurdish) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 1,246 gånger
Skriv din kommentar om den här artikeln !