سلێمانی
ئای چەند دڵگیر و جوانی
شارەکەم سلێمانی
ئێمە زۆرمان خۆشدەوێی
پڕسۆز و میهرەبانی
بە ڕۆژ خۆری ئاسمانت
هێمایە بۆ ئازادی
بە شەو ئەستێرەکانت
دەبەخشن تیشکی شادی
هەموو شارانی دنیا
باجوان و ڕازاوەبن
بەڵام هەرگیز وەکو تۆ
خۆشبەختی نادەن بە من
دامێنی شاخی گۆیژەت
سەیرانگای چاڤیلاندە
مایەی خۆشبەختی ئێمەی
شاری جوان و بەخشندە
پێدەشت و سەوزایی تۆ
کانی و کارێز و ئاوت
بۆ ئێمە شانازییە
ئەمڕۆ ناوبانگ و ناوت
بۆیە بڕیارمانداوە
دڵسۆزبین بۆ ئەم شارە
وتە و کردار یەکبخەین
ئەوسا شار جوانتر دیارە
18- 02 -2020
پەرتووکی #خەیاڵی کۆترەکان#
#فەرهاد ئەحمەد بەرزنجی# [1]
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 834 gånger