وڵات
نیشتمانی شیرینم
زێدی باب و باپیرم
هەمیشە خۆشەویستی
هەرگیز ناچیت لە بیرم
ئامێزت سەوزەڵانی
پڕ لە باخ و کانییە
دیمەنی شاخ و دۆڵت
مایەی کامەرانییە
بۆ ئێمە خۆشبەختییە
سامان و سروشتی تۆ
خاکت زێڕ و گەوهەرە
نابێ بیدەین بەفیڕۆ
خۆر و مانگ و ئاسمانت
دیاری خوای میهرەبانە
ئای چەند دڵگیر و جوانی!
ناویشت کوردستانە
دەبێ ئاشتی و سەرکەوتن
مەبەست و ئامانجمانبێ
پاراستنت لە دووژمن
ئەرکی هەرهەموومان بێ
هەتا بتکەینە پێشەنگ
بە دەنگ و ڕەنگ و ئاڵات
لە ناو ڕیزی وڵاتان
با بە تۆش بڵێن وڵات
10-02-2019
شەممە
ئەم هۆنراوەیە لەژمارە (246) ی گۆڤاری پەپولە بڵاوکراوەتەوە
پەرتووکی #خەیاڵی کۆترەکان#
#فەرهاد ئەحمەد بەرزنجی#[1]
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 1,073 gånger
Skriv din kommentar om den här artikeln !