ئاڵاکەم
خۆشمدەوێ ئاڵاکەم
نیشانەیە بۆ بوونم
کە لە بەرزی دەیبینم
ئاسوودەیە دەروونم
ناسنامەی نەتەوەمە
ئاشکرایە کە کوردم
خاوەن خاکی پیرۆز و
باب و باپیری مەردم
بە چوار ڕەنگی واتادار
ڕازاوە زۆر بە جوانی
ئازادی و شەهید بوون و
ئاشتییە و ئاوەدانی
حەزدەکەم شەکاوە بێ
لە ئاسمانی کوردستان
لە ناو ڕیزی ئاڵا بێ
لەگەڵ ئاڵای وڵاتان
ئەوسا بەجیهان بڵێم
کوردم و ئاشتیخوازم
دۆستی هەموو گەلانم
بەو ئاڵایەم دەنازم
21-12-2019
ئەم هۆنراوەیە لە ژمارە (266) ی گۆڤاری (پەپولە) بڵاوکراوەتەوەهەروەها لەلایەن مامۆستا (یاسین ژاژڵەیی) ئاوازو مۆزیکی بۆ کراوەو بە دەنگی (کیژێ هێمن) دەوترێت.
پەرتووکی #خەیاڵی کۆترەکان#
#فەرهاد ئەحمەد بەرزنجی#[1]
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 1,608 gånger
Skriv din kommentar om den här artikeln !