ناونیشان: ئاوی هەرێمی
ئامادەکردن: #حوسێن عەبدولکەریم ڕۆستەم#
ئاوی هەرێمی:
ناوچەییەکی دەریاییە کە لە هەموو ئاوی ئەو دەریا و زەریایانە پێک دێت کە دەوڵەت تەواوی سەروەری خۆی بەسەریدا جێبەجێ دەکات وەکو بەشێکی گرنگ لە خاکەکەی، ئەو ئاوانە دەگرێتەوە کە دەکەوێتە نێوان ئاوی ناوخۆ و ئاوی نێودەوڵەتی، و دەوڵەت دەتوانێت لەو ئاوانە بەپێی یاسای تایبەت بەخۆی ڕاوکردن و دەریاوانی و بارکردنی بازرگانی و گەشتی بازرگانی ئەنجام بدات و مافی کۆنتڕۆڵکردنی ڕاوکردن و دەریاوانی و گەشتە بازرگانیە دەوڵەتییەکانی هەیە، سەرەڕای سوود وەرگرتن لە سامانە دەریاییەکان و زیندەورە دەریاییەکانی ناوچەکە وەک ڕاوکردنی ماسی و دەرهێنانی نەوت و گاز و وەبەرهێنانی سامانی سروشتی ناوی و بەکارهێنانی سامانی ئاوی سروشتی، و سەروەری وڵات بۆشایی ئاسمانی سەر دەریای هەرێمی وڵات و بن و ناخی زەوی ناوچەکە دەگرێتەوە.
بۆیە دەتوانین بەڵێین ئاوی هەرێمی، بریتییە لەو ئاوانە کە موڵکی دەوڵەتێکی دیاریکراوە و هیچ دەوڵەتێکی تردا مافی نییە هاوبەشی بکات یان زیادە ڕەوی لەسەر مافی ئەو دەوڵەتە لەو ئاوە بکات.
زۆربەی ئەو وڵاتانەی سنوریان لە سەر دەریادا هەیە کە ژمارەیان 120وڵاتە بەپێی ڕێکەوتنامەی ساڵی 1982، 12میلی دەریایی (22.2 کم)، دیاری کراوە وەکو سنورێک بۆ ئاوی هەرێمی هەر وڵاتێک، واتا لە کەناری وڵاتەکەوە دەست پێدات تاکو قووڵی 12میلی دەریایی (22.2 کم) و سەروەری تەواوی وڵات لە سەری جێبەجێ دەکرێت وەک بەشێکی وڵات.
ئاوی هەرێمی وڵاتێک لە ئاوە ناوخۆییەکانی وەکو (دەریاچە و ڕوبار و کەنداو و ئاوی کەناری دەریا) و دەریا هەرێمییەکان پێک دێت و دەریای هەرێمی دەوڵەت دەکەوێتە پشت سنوری ئاوی ناوەوە.[1]
Denna post har skrivits in (کوردیی ناوەڕاست - Central Kurdish) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 516 gånger
Skriv din kommentar om den här artikeln !